Tekereza kujya mu murima wambaye ikote na karuvati, kurebera televiziyo mu muhanda rwagati imodoka zigenda, kuragira ucigatiye iPad, gukanika imodoka wambaye imishanana wasize inzara wanasokoresheje n’ibindi. Ibi ni bimwe mu byerekanwa mu mafoto y’uzwi ku izina rya Gwaga, gafotozi w’ i Burundi.

Amafoto y’uyu munyabugeni, iyo uyareba usanga agaragaza ibintu bikorerwa ahantu mu mwanya utari uwabyo, ariko kuyareba ubwabyo ubona bishimishije ndetse biteye kwibazwaho byinshi.

Yifashishije page ye ya Facebook, Gwaga ashyira ahagaragara amafoto aba yafashe. Mu butumwa akunda guhabwa n’abantu bareba aya mafoto usanga bavuga ko harimo ubuhanga bwinshi ndetse kuyareba bishamaje.

Reba amwe mu mafoto ya Gwaga:

Umusore nk'uyu ku kagare k'abana bato?

Uyu ari kureba televiziyo mu muhanda rwagati emwe n'imodoka zimuturuka inyuma ntacyo zimubwiye.

Mu iguriro ry'ibikoresho byo mu bwiherero. Nta mpamvu yo gutegereza kuza kujya mu rugo, uyu afashe imwe ahita akemurira ikibazo mu iduka.

Niba wifuza kwambara neza, ukaba unateganya guhaha imyenda, kuki utamara gukaraba ngo uhite ujya mu iduka abe ariho wambarira? Uyu niko yabihisemo.

Abanyamujyi. Aba bashumba ntibatana n'ikoranabuhanga.

Nta mfura itarya, imfura ni iyariye. Kuba ari umugeni ntibyamubujije kujya guhaha.

Mu igaraje, aba barakanika bambaye imishanana.

Gukora siporo bisaba kuba wariye. Uyu yaba akeka ko biri bumutware imbaraga nyinshi, bityo arakorera siporo mu gikoni.

Kwa muganga? Niba uyu mudogiteri ari bubashe kuvura iyi nkumi ntawamenya.

Kuri Station ya lisansi. Wakwibaza niba uyu mukobwa anywa lisansi cyangwa niba kubera kunywa cyane yarahisemo gukora ivomo ry'inzoga.

Mu kiliziya, ubwo abandi baramya, we wagira ngo ageze mu kibuga cy'iteramakofe.

Mu muhanda rwagati, uyu arisomera igitabo ntiyitaye ku modoka zimuri inyuma.

Ikote na Karuvati, ikanzu yo gusohoka n'urukweto rushinguye, ng'abo mu murima.

Uyu ni uku yahisemo kujya mu kizenga ameze.

Ku myaka 70, yifiteho ubuhanga mu gukurura abagabo.

Amafoto: Gwaga