00:00:00 IGIHE NETWORK KN KINYARWANDA EN ENGLISH FR FRANCAIS

Messengers Singers yatumiye Israel Mbonyi mu gitaramo

Yanditswe na Uwiduhaye Theos
Kuya 7 September 2023 saa 08:36
Yasuwe :

Israel Mbonyi uri mu bahanzi baririmba indirimbo zihimbaza Imana bakundwa ku rwego rwo hejuru yatumiwe mu gitaramo cy’amashimwe na Messengers Singers, Itsinda ry’abasore bahimbaza Imana rikorera ivugabutumwa mu Itorero ry’Abadiventisiti b’Umunsi wa Karindwi.

Ni mu gitaramo cyiswe “Siryo Herezo Live Concert” kizaba tariki 9 Nzeri 2023 muri Expo Ground i Gikondo, guhera saa Kumi n’Imwe.

Umuyobozi wa Messengers Singers, Ishimwe Emile, yabwiye IGIHE ko bahisemo gutumira Mbonyi kuko ari umwe mu bahanzi bahagaze neza mu muziki wo kuramya Imana kandi ufite umubare munini w’abakunda ibihangano bye.

Ati “Twamuhisemo kuko twabonaga ari we twakorana bikagenda neza. Ni umwe mu bahanzi bahagaze neza kandi ufite ibihangano bikora ku mitima ya benshi.’’

Yakomeje ararikira abantu kuzitabira iki gitaramo kuko biteze ko kizagenda neza kandi bakishimana n’abakunzi babo.

Muri “Siryo Herezo Live Concert” hazafatirwamo amashusho y’indirimbo zizajye kuri album Messengers Singers yitegura gushyira hanze mu minsi iri imbere.

Kugeza ubu amatike ahari ni aya 10.000 Frw ndetse n’aya VIP ya 20.000 Frw. Kugura itike wifashisha *797*30# cyangwa ukanyura ku rubuga ishema.rw.

Messengers Singers ni itsinda ryashinzwe ku wa 30 Kamena 2009. Rigizwe n’abaririmbyi barindwi; ryatangiriye ivugabutumwa rinyuze mu ndirimbo muri College Adventiste de Gitwe mu Karere ka Ruhango mu Majyepfo y’u Rwanda.

Kugeza ubu iri tsinda rifite album ebyiri z’amajwi na album imwe y’amashusho n’izindi ndirimbo ryagiye risohora zitandukanye zikanyura imitima y’abakunzi b’ibihangano bihimbaza Imana.

Reba zimwe mu ndirimbo za Messengers Singers

Israel Mbonyi ayoboye abahanzi bahimbaza Imana mu kugwiza igikundiro
Messengers Singers ni itsinda rimaze igihe mu muziki wo kuramya Imana
Israel Mbonyi yatumiwe mu gitaramo kizabera i Gikondo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .