00:00:00 IGIHE NETWORK KN KINYARWANDA EN ENGLISH FR FRANCAIS

Abarimo Aimé Uwimana na René Patrick bahurijwe mu gitaramo cya Noheli

Yanditswe na Akayezu Jean de Dieu
Kuya 22 Ukuboza 2022 saa 09:15
Yasuwe :

Abahanzi batanu b’indirimbo zo kuramya no guhimbaza Imana barangajwe imbere na Aimé Uwimana wamamaye mu ndirimbo zirimo ‘Muririmbire Uwiteka’ bategerejwe mu giterane cyiswe “Christmas Thanksgiving Worship’ kizafasha Abaturarwanda gushimira Imana yabarinze muri uyu mwaka wa 2022 uri kugana ku musozo.

Iki giterane kizaba ku wa 23 Ukuboza 2022 guhera Saa Kumi n’Imwe z’Umugoroba kuri Radisson Blu&Kigali Convention Center, aho kwinjira ari ubuntu. Cyateguwe n’Ihuriro Irere Family Network.

Jackie M Nirere ufatanya n’umugabo we James uyobora iri huriro bavuze ko bateguye iki giterane bagendeye ku nsanganyamatsiko iri muri Zaburi 103:2 ivuga ngo Mutima wanjye himbaza Uwiteka, ntiwibagirwe ibyiza yakugiriye byose.

Bibukije buri muntu wese, umuryango, itorero n’igihugu ko hari impamvu nyinshi zo gushima Imana. Bati “Ku giti cyawe nawe ufite impamvu yo gushima.”

Irere Family Network ni ihuriro rya gikirisitu, rikora ibikorwa by’ubujyanama ku miryango, rigatanga n’ubufasha bwibifatika burimo kubakira abatishoboye, kubahuriza mu matsinda, kubaha ibikoresho byo munzu, kwishyurira abana batishoboye amashuri n’ibindi bikoresho nkenerwa.

Rifite kandi intego yo kubaka imiryango ikiteza imbere kandi ikabaho yishimye inanezerewe kuko yariyo ntego y’Imana.

Ni igiterane cyatumiwemo kandi umuramyi Arsene Tuyi wari amaze iminsi atagaragara mu bitaramo byagutse, ariko aherutse kuririmba mu gitaramo cyari kigamije gusaba Imana kongera kubanisha imiryango yo muri iki gihe.

Iki gitaramo cyo gushimira Imana kandi cyatumiwemo Christian Irimbere wamenyekanye binyuze mu bihangano birimo nka ‘Ndi hano’, ‘Ntuhemuka’, ‘Ndagushima’ n’izindi.

Undi muramyi watumiwe muri iki giterane ni René Patrick. Uyu mugabo ni umwe mu bahanzi b’indirimbo ziha ikuzo Imana bazwi cyane mu ndirimbo nka "Arankunda", "Ni byiza" n’izindi zinyuranye.

Iki giterane kandi cyatumiwemo itsinda rya True Promises rizwi cyane mu ndirimbo zirimo nka ‘‘My Lord Jehovah’’, ‘‘Mana yacu”, ‘‘Narudi’’, ‘‘Wadushyize ahakwiriye’’, ‘‘Yarabirangije’’, ‘‘Ndaruhutse’’ n’izindi.

Undi muhanzi watumiwe muri iki gitaramo yitwa Chryso Ndasingwa. Kuva muri Nzeri 2022, uyu muhanzi usengera muri New Life Bible Church ntiyicishije irungu abakunzi be mu muziki, kuko yagiye ashyiramo igihe gito ubundi agashyira hanze ibihangano bishya.

Aimé Uwimana yatumiwe mu giterane azahuriramo n'abarimo Arsene Tuyi na Rene Patrick

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .