00:00:00 IGIHE NETWORK KN KINYARWANDA EN ENGLISH FR FRANCAIS

Umuramyi Nomthie Sibisi agiye gutaramira mu Rwanda

Yanditswe na Uwiduhaye Theos
Kuya 1 December 2023 saa 07:56
Yasuwe :

Umuramyi w’Umunyafurika y’Epfo Nomthie Sibisi wamamaye muri Joyous Celebration iri muri korali zikomeye iwabo, agiye gutaramira mu Rwanda.

Nomthie yatumiwe na Drups Band mu gitaramo bise ‘God First’ kizaririmbamo Dominic Ashimwe, True Promises, New Melody ndetse na Hortense Mazimpaka uzigisha ijambo ry’Imana.

Iki gitaramo kizaba ku cyumweru tariki 3 Ukuboza 2023, aho ku isaha ya saa munani kizaba gitangiye muri Intare Arena ya Gisozi.

Umuyobozi wa Drups Family ireberera ibikorwa bya Drups Band, Fidèle Gatabazi, yavuze ko bizeye kuzagira ibihe byiza muri iki gitaramo agaragaza ko abazitabira nta kabuza bazishima.

Ati “Icyo twizeye ni igitaramo cyiza kandi cy’amateka, twizeye kuzashimisha abazitabira.’’

Yavuze ko bishimiye ko Nomthie Sibisi yemeye ubutumire bwabo ataruhanyije bityo bakaba bizeye kuzamugiriraho umugisha.

Nomthie Sibisi watumiwe muri iki gitaramo, yamenyekanye muri Joyous Celebration ariko aza kuvamo akora umuziki ku giti cye. Uyu muhanzikazi azava mu Rwanda akoranye indirimbo na Drups Band yamutumiye.

Nomthie Sibisi ni umwanditsi w’indirimbo, umuramyi, umuyobozi wo kuramya no guhimbaza Imana akaba n’umushabitsi. Uyu mutegarugori watangiye kuririmba akiri muto, akunze kuvuga ko gukora umuziki ari cyo kintu cya mbere ingingo ze zumva vuba.

Yakunzwe mu ndirimbo zirimo "UJesuLo yasohoye mu 2018, "Unkulunkulu", "Ngowele Uyingowele", "My God", "My Heart My Experience" yafashwe mu buryo bwa ’live recording’ ikaba imwe mu ndirimbo zikomeje kwandika amateka muri kiriya gihugu.

Kwinjira mu gitarami mu myanya isanzwe ni 5.000 Frw, muri VIP ni 10.000 Frw, muri VVIP ni 20.000 Frw na 50.000 Frw. Ku munsi w’igitaramo amatike azaba yongerewe igiciro aho mu myanya isanzwe itike izaba igura 7.000 Frw, muri VIP ari 15.000 Frw, muri VVIP ari 25.000 Frw.

Drups Band ni itsinda ry’abanyamuziki bakiri bato, ryatangiye mu gihe cya Covid 19 muri 2020.

Nomthie Sibisi ni umwe mu baramyi bakomeye iwabo
Nomthie Sibisi amaze iminsi mu Rwanda. Aha ni ubwo yageraga ku kibuga cy'indege
Drups Band ni rimwe mu matsinda ari kuzamuka neza akora umuziki wo kuramya Imana
Drups Band ni rimwe mu matsinda ari kuzamuka neza akora umuziki wo kuramya Imana tariki 3 Ukuboza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .