Nyuma y’amezi 11, Ikipe y’Igihugu y’Abagore muri Volleyball yashyikirijwe agahimbazamusyi nk’ishimwe ryo kugera muri ½ cy’Igikombe cya Afurika cyabereye muri Cameroun muri Kanama 2023.

Iyi kipe y’umutoza Paulo de Tarso yabuze amahirwe yo kugera ku mukino wa nyuma itsinzwe na Misiri amaseti 3-0 (14-25, 11-25, 10-25).

Mu mukino wo guhatanira umwanya wa gatatu, iyi kipe nabwo yatsinzwe na Cameroun yari mu rugo amaseti 3-1.

Muri iri rushanwa ryarangiye ryegukanywe na Kenya, Kapiteni w’Ikipe y’Igihugu, Munezero Valentine yari mu bakinnyi beza b’irushanwa.

Buri mukinnyi w'Ikipe y'Igihugu yashyikirijwe agahimbazamusyi ka miliyoni 3 Frw

Ikipe y'Igihugu yakoze amateka yo kuba iya kane mu Gikombe cya Afurika giheruka

Kapiteni w'Ikipe y'Igihugu, Munezero Valentine yari ikipe nziza y'irushanwa