Iri rushanwa rizenguruka igihugu mu minsi umunani, ryakinwe ku wa 20-27 Gashyantare 2022. Uduce twose rimaze kunyuramo, Techno Market iri mu bigo byariherekeje ikomeza gusobanurira abaturarwanda serivisi.
Ni ku nshuro ya gatatu, Techno Market yitabiriye iri rushanwa rimaze kwigarurira imitima ya benshi.
Umuyobozi Mukuru wa Techno Market, Mukeshimana Japhet, yabwiye IGIHE ko bakomeje kwegera Abanyarwanda binyuze muri Tour du Rwanda 2022.
Yagize ati “Twishimiye ko dukomeje kugira amahirwe yo gusura Abanyarwanda baherereye mu bice bitandukanye by’igihugu. Twaserutse dusa neza kandi ibigo byitabiriye Tour du Rwanda twabyambitse neza, birasa neza.’’
Yasobanuye ko aho banyura hose babwira abaturage ko hari serivisi nshya babegereje.
Ati “Dufite imashini zikora ‘print’ nyinshi mu munota umwe. Hari n’ikora copy 140 mu munota umwe. Izo serivisi zose tuzitanga zigabanyijeho 10% muri iki gihe cya Tour du Rwanda.’’
Techno Market ifite serivisi nziza kandi zizewe ibifashijwemo n’imashini zigezweho harimo izishobora gusohora ibitabo 140 mu munota umwe n’indi yitwa ‘offset’ ishobora gukora brochures 5000 mu isaha imwe bigizwemo uruhare n’abakozi b’abanyamwuga.
Techno Market iheruka kongera amasezerano n’Ishyirahamwe ry’Umukino w’Amagare mu Rwanda (FERWACY) yo gukomeza imikoranire mu gihe cy’umwaka.
Mukeshimana yakomeje ati “Bigamije gushyigikira ibikorwa bishimisha Abanyarwanda. Umukino w’amagare udufasha kugera mu gihugu hose. Muri Tour du Rwanda tubasha gusuhuza, gusura no gushimira abakiliya bacu.’’
Yasabye Abaturarwanda kubagana bakabaha serivisi nziza aho kumva ko bazazibona bagiye kuzishakira mu bihugu by’amahanga.
Ati “Turakomeza gufatanya n’ibigo mu kwirinda kwambuka imipaka y’igihugu bajya gushaka serivisi kuko dufite iza printing zigezweho. Abantu bafite za magazine, ibitabo, raporo, impuzankano z’abakozi n’ibindi bigo bashaka gukorera ‘branding’, bakunde ibikorerwa iwacu kuko Techno Market ni mu rugo.’’
Techno Market ikora udutabo, imyenda yanditseho, imitaka, amakaramu n’ibindi bikorwa mu buryo bwitwa ‘graphic design’, ikorwa mu bice bibiri ari byo ‘screen printing’ ndetse na ‘embroidery’.
Zimwe muri serivisi itanga harimo gusohora inyandiko z’ibitabo, ibinyamakuru, udutabo duto (printing). Yandika kandi ikanashushanya ku myenda, ingofero, impuzankano n’ibikoresho byifashishwa mu nama nk’ibikapu (conference bag), ibyo batwaramo impapuro (conference folders), amabendera, amakaramu ariho ibirangantego, udukaye two kwandikamo (notebooks) n’ibindi.
Bimwe mu bikoresho bya Techno Market biri mu bikoresho biri kwifashishwa n’abitabiriye Tour du Rwanda nk’ingofero, imyenda, ibyapa byamamaza n’ibindi.
Techno Market itanga serivisi binyuze no mu ikoranabuhanga binyuze kuri www.technomarketrwanda.com cyangwa ugahamagara kuri 0788158800. Ikorera muri T2000 Hotel, ahateganye n’inyubako yo kwa Ndamage.












TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!