Nyirarukundo Salome yegukanye Marathon ya Montréal muri Canada

Yanditswe na Ngabo Roben
Kuya 24 Nzeri 2018 saa 09:33
Yasuwe :
0 0

Umunyarwandakazi Nyirarukundo Salome yitwaye neza mu isiganwa mpuzamahanga rizenguruka umujyi wa Montreal muri Canada ‘Marathon de Montréal’, yabaye kuri iki cyumweru yegukana umwanya wa mbere mu bagore n’ibihumbi 11 by’amadolari.

Abasiganwa ibihumbi 12 bari hagati y’imyaka 13 na 82, bavuye mu bihugu 61 bitandukanye ku isi bahuriye mu mujyi wa Montréal mu mpera z’iki cyumweru, mu irushanwa mpuzamahanga ryo gusiganwa ku maguru.

Isiganwa ryahagurukiye mu i Vieux-Montréal basoreza kuri Plateau-Mont-Royal.

Abanyarwanda baryitabiriye bitwaye neza kuko mu bagabo, Jean-Marie Vianney Uwajeneza wakoresheje amasaha 2:18:10 yasoje ari ku mwanya wa gatatu inyuma y’abanya-Kenya babiri Ezekial Mutai wabaye uwa mbere na Wycliffe Biwott, waje ku mwanya wa kabiri.

Mu bagore, iri isiganwa ribaye ku nshuro ya 28 ryegukanywe na Nyirarukundo w’imyaka 21, akoresheje amasaha 2: 28.02. Yakurikiwe n’umunya-Kenya Joan Kigen, amusiga iminota itatu n’amasegonda 24, naho Emebet Anteneh aza ku mwanya wa gatatu.

Muri iri siganwa mpuzamahanga umukinnyi uje ku mwanya wa mbere ahembwa ibihumbi 11 by’amadolari, asaga miliyoni 9 Frw.

Nyirarukundo uri mu bihe byiza yegukanye iri siganwa nyuma yo kwitwara neza mu masiganwa mpuzamahanga yitabiriye uyu mwaka nka Marathon ya Barcelone muri Espagne, yabayemo uwa gatatu muri Gashyantare na Kigali International Peace Marathon yegukanye muri Mata.

Nyirarukundo Salome yatangiye kwiruka nk’uwabigize umwuga mu 2013, akaba amaze kwegukana imidali igera kuri 26 mu marushanwa atandukanye.

Nyirarukundo yegukanye Marathon ya Montréal bimuhesha ibihumbi 11 by'amadolari
Iyi Marathon yitabiriwe n'abasaga ibihumbi 12

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza