00:00:00 IGIHE NETWORK KN KINYARWANDA EN ENGLISH FR FRANCAIS

Uwayo Théogène yahawe Dan ya Gatandatu muri Karate

Yanditswe na Byiringiro Osée Elvis
Kuya 28 Nzeri 2022 saa 08:17
Yasuwe :

Uwayo Théogène, Perezida w’Ishyirahamwe ry’Umukino wa Karate mu Rwanda, yahawe Dan ya Gatandatu aba umunyarwanda wa kabiri ufite Dan nini muri JKA Rwanda nyuma ya Sayinzoga Jean.

Iyi Dan [umukandara w’umukara] yayiherewe mu mahugurwa yari amaze iminsi itanu ahabwa abakina Karate yateguwe na Japan Karate Association (JKA) Rwanda, yatangwaga n’abatoza bavuye mu Buyapani ku gicumbi cy’uyu mukino.

Mu ijambo rye nyuma yo gushyikirizwa iyi Dan, Uwayo yavuze ko ari iby’agaciro kuri uyu mukino mu Rwanda.

Yagize ati “Nishimiye kwakira Dan yanjye ya gatandatu ni iby’agaciro kuri Karate y’u Rwanda.”

Uyu mukandara Uwayo yahawe ntabwo yawukoreye ahubwo ni uw’icyubahiro kubera uruhare yagize mu guteza imbere umukino wa Karate.

Mu 2021 nabwo Uwayo yahawe ishimwe n’Umwami w’u Buyapani kubera uruhare yagize mu guteza imbere umubano hagati y’u Rwanda n’u Buyapani binyuze muri Karate.

Muri aya mahugurwa abakina karate bagera kuri 36 bakoze ibizamini byo guhabwa Dan nshya, barimo 20 bakoreye Dan ya mbere (Shodan), barindwi bakoreye iya Kabiri (Nidan),babiri bakoreye Dan ya gatatu (Sandan).

Hari kandi na bane bakoreye Dan ya kane (Yodan) ndetse ni umukinnyi umwe wakoreye ya gatanu (Godan).

JKA [Japan Karate Association] ifatwa nk’igicumbi cya Karate mu mategeko yayo yemera ko ugize Dan nyinshi ziba ari 10 gusa hari ahandi usanga zirenga.

Uwayo yabaye umunyarwanda wa kabiri ufite Dan esheshatu muri Karate
Dan ya gatandatu y'icyubahiro yahawe Uwayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .