00:00:00 IGIHE NETWORK KN KINYARWANDA EN ENGLISH FR FRANCAIS

Huye: Abana barenga 250 bakina Karate bagiye kwitabira irushanwa risoza umwaka

Yanditswe na Iradukunda Olivier
Kuya 20 December 2023 saa 11:32
Yasuwe :

Ku nshuro ya mbere hagiye kubaho irushanwa rya Karate rihuriza hamwe abana bari hagati y’imyaka irindwi na 14 barenga 250, rizabera mu Karere ka Huye ndetse rizayoborwa n’abasifuzi mpuzamahanga.

Iri rushanwa ryateguwe na Zanshin Karate Academy y’i Huye, rizahuriza hamwe abana biga gukina uyu mukino njyarugamba mu bice bitandukanye by’igihugu, bafatanye gusoza umwaka.

Iri rushanwa ryiswe “Zanshin Karate Championships for Children Edition 1" rizaba iminsi ibiri, tariki ya 23 na 24 Ukuboza 2023 muri Hotel Credo i Huye.

Ubuyobozi bwa Zanshin Karate Academy yateguye aya marushanwa, bwavuze ko byakozwe hagamijwe kuzamura umukino wa Karate no kurushaho guhuriza hamwe abana mu gihe bari mu biruhuko banitabira siporo.

Abazahatana bazakina bimwe mu byiciro bigize uyu mukino birimo ‘Kata’ bakina biyereka ndetse na ‘Kumite’ aho abakinnyi babiri bahura bakarwana.

Amashuri agera kuri 13 ni yo amaze kwandikisha mu byiciro birimo abahungu ndetse n’abakobwa. Aba bose bazasifurirwa n’abasifuzi mpuzamahanga b’Abanyarwanda, Abanya-Uganda ndetse n’Abarundi.

Abana bazahatana mu irushanwa rya Karate risoza umwaka bazaba bari munsi y'imyaka 17

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .