00:00:00 IGIHE NETWORK KN KINYARWANDA EN ENGLISH FR FRANCAIS

Christophe Pinna wubatse izina muri Karate ari mu Rwanda

Yanditswe na Mihigo Saddam
Kuya 26 April 2022 saa 07:48
Yasuwe :

Umufaransa wamamaye muri Karate ku bw’imidali mpuzamahanga n’ubumenyi afite muri uyu mukino njyarugamba, Christophe Pinna ari mu Rwanda mu ruzinduko rw’icyumweru.

Christophe Pinna w’imyaka 54 y’amavuko ni umwe mu bagize ikipe y’igihugu y’u Bufaransa ya Karate, aho akina mu cyiciro cya Shotokan.

Pinna uvuka mu mujyi wa Nice, ibikorwa biri kuri gahunda y’uruzinduko rwe yabitangiye kuri uyu wa Mbere tariki 25 Mata 2022 asura urwibutso rwa Jenoside yakorewe Abatutsi ruri ku Gisozi.

Biteganyijwe ko kandi muri iki gihe cy’icyumweru azatanga amahugurwa ku mukino wa Karate azabera muri Lycée de Kigali.

Christophe ufite uburebure bwa 1.85 m, yatwaye shampiyona y’u Burayi mu marushanwa ya ‘Europe Individual Open inshuro eshatu (1993, 1995, 1997).

Ku rwego rw’Isi yatwaye iyi shampiyona inshuro imwe mu 2000, atwara shampiyona eshatu z’u Burayi bakina nk’ikipe (1993, 1995, 1997).

Pinna kandi yongeye kwandika izina atwara irushanwa rya ‘Goblet of the World’ inshuro ebyiri (1993, 1997) anatwara umudali mu mikino ya Méditerranéens mu 1992.

Pinna yanatwaye shampiyona ya Mundo Equipos inshuro eshatu (1994, 1996, 1998).

Christophe Pinna yasuye Urwibutso rwa Jenoside rwa Kigali anashyira indabo ku mva
Christophe Pinna asoma amateka yaranze u Rwanda muri Mata 1994
Christophe Pinna yubatse izina rikomeye muri Karate ku ruhando mpuzamahanga
Uyu mugabo ni umuhanga muri Karate

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .