00:00:00 IGIHE NETWORK KN KINYARWANDA EN ENGLISH FR FRANCAIS

Abana basaga 200 bitabiriye amahugurwa ya Karate ku rwego rw’igihugu (Amafoto)

Yanditswe na IGIHE
Kuya 4 March 2024 saa 09:12
Yasuwe :

Abana 205 bavuye mu makipe 20 yo mu bice bitandukanye by’igihugu ni bo bitabiriye amahugurwa ya Karate, yahuje abari hagati y’imyaka ine na 17 ku wa Gatandatu, tariki 2 Werurwe 2024 i Remera ahahoze Sportsview Hotel.

Aya mahugurwa yateguwe ku bufatanye bw’Ishyirahamwe rya Karate mu Rwanda (FERWAKA) na The Champions Sports Academy, yayobowe na Nkuranyabahizi Noël usanzwe ari umutoza mpuzamahanga akaba yarahoze ari Umutoza w’Ikipe y’Igihugu ya Karate.

Yari kumwe kandi n’umwungirije, Umutoza Niyitanga Halifa ukinira Ikipe y’Igihugu, akaba kandi yaregukanye umudali wa Feza mu marushanwa Nyafurika.

Guhuriza hamwe aba bana byari bigamije kwigisha abakiri bato Karate iganisha mu marushanwa kandi igendera ku mategeko y’Ishyirahamwe Mpuzamahanga (WKF- World Karate Federation).

Yari agamije kandi kwigisha Indangagaciro Olempike zirimo ubucuti, kubahana no guharanira gukora ikintu neza, byose biganisha mu kuzamura no kwimakamaza ihame ry’ubuzima bwiza, imibereho myiza no kuba indashyikirwa.

Perezida w’Ishyirahamwe rya Karate mu Rwanda, Niyongabo Damien, yashimiye abayitabiriye, akangurira ababyeyi gukomeza kuzana abana muri Karate kuko izabafasha kugira ubuzima bwiza no kuzavamo Abanyarwanda beza.

Nkuranyabahizi Noël wayoboye aya mahugurwa, yavuze ko bishimiye ubwitabire ndetse byagenze neza kuko abana babonye ubumenyi bugezweho, kandi yashimiye abatoza bagenzi be bo mu makipe uburyo bitanga bagakurikirana abana umunsi kuwundi. Yavuze kandi ko harimo impano nshya haba muri Kata [kwiyerekana] na Kumite [kurwana].

Ababyeyi abana n’abatoza bishimiye iki gikorwa basaba ko ibindi bimeze nka cyo byakongerwa ndetse bikagera no mu ntara.

Amakipe 20 yitabiriye ni The Champion Sports Academy, Club Rafiki, Haito Karate Do, Sambon Karate Do Club, Vision Karate Do Club, KESA Kicukiro, Petit Prince Karate Do Club, Destiny Karate Kids Academy, Ecole Le Petit Prince na The Champion Nyanza.

Hari kandi Karongi Karate Do Club, Claucy Karate Kid, Yushosha Karate, Eagle Karate Junior, FIDELITATIS Karate, The Legends Karate, Rapid Attack Academy, Huye Karate Do Academy, Masaka Karate Kids Club na Flying Eagles Academy.

Abana 205 baturutse mu makipe 20 ni bo bitabiriye aya mahugurwa
Umutoza Nkuranyabahizi Noël ni we wayoboye aya mahugurwa yahuje abana bari hagati y'imyaka ine na 17
Abana bahuguwe muri Kumite [kurwana] ndetse no muri Kata [kwiyerekana]
Perezida w’Ishyirahamwe rya Karate mu Rwanda, Niyongabo Damien, yakanguriye ababyeyi gukomeza kujyana abana muri Karate kuko ibatoza kuba Abanyarwanda beza
Bamwe mu babyeyi baherekeje abana, bafata amashusho yabo bari mu myitozo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .