Rwanda Open izatwara miliyoni 35 z’Amanyarwanda

Yanditswe na Yvonne Mpinganzima
Kuya 6 Ugushyingo 2015 saa 06:51
Yasuwe :
0 0

Irushanwa ngarukamwaka ry’umukino wa Golf rya ‘Rwanda Open’ kuri iyi nshuro ya cumi na gatanu riteganijwe kubera hano mu Rwanda, rizatwara miliyoni zisaga mirongo itatu n’eshanu (35 000 00frw) mu minsi ine rizamara.

Ibi byatangajwe mu kiganiro n’itangizamakuru cyabaye ku wa Kane tariki ya 5 Ugushyingo i Nyarutarama ahazwi ku izina rya Nyarutarama Golf Club, hasanzwe hakinirwa uyu mukino.

Umuyobozi w’ishyirahamwe ry’uyu mukino, Nkwandi Andre yatangaje ko iri rushanwa rizatangira tariki ya 11-14 Ugushyingo 2015, aho rizajya rikinwa mu mpera z’icyumweru,naho abasheshe akanguhe bakazakina kuva tariki ya 6 kugera tariki ya 7 Ugushyingo.

Nkwandi Andre avuga ko iri rishunwa rizitabirwa n’abakinnyi batandukanye b’igitsina gabo ndetse n’ab’igitsina gore baturutse hirya no hino ku isi, kuko ari irushanwa rifunguye kuri buri wese, by’umwihariko rikazitabirwa n’abakinnyi batanu b’Abanyarwanda babigize umwuga.

Iri rushanwa ‘Rwanda Open 2015’ rifite abaterankuga batandukanye nkuko byagaragarijwe itangazamakuru, harimo Serena Hotel, BRALIRWA, BRD, BDF, Computer Point n’abandi batandukanye.

Iri rushanwa rizitabirwa n’ibihugu; Uganda, Tanzaniya, Ethiopia, Kenya, Burundi, RD Congo n’u Rwanda, aho abakinnyi barenga 155 bagomba gukina iri rushanwa.

Iri rushwana rizitabirwa n’ababigize umwuga barimo abagabo n’abagore, ndetse hakazaba hari n’icyiciro cy’abatarabigize umwuga bazatumirwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza