00:00:00 IGIHE NETWORK KN KINYARWANDA EN ENGLISH FR FRANCAIS

Max Verstappen yegukanye Belgian Grand Prix, Hamilton ahagarika isiganwa bitunguranye

Yanditswe na Iradukunda Olivier
Kuya 29 August 2022 saa 09:21
Yasuwe :

Umubiligi Max Verstappen ukinira Red Bull, yegukanye isiganwa rya Belgian Grand Prix ryabera mu Bubiligi.

Verstappen yegukanye iri rushanwa nyuma yo kwinjira mu mukino atangiriye ku mwanya wa 14 kubera igihano yari yahawe kubera guhindura moteri.

Uyu mugabo yarangije isiganwa asize uwamukurikiye Sergio Perez bakinana amasegonda 17.8 naho Carlos Sainz wa Ferrari aza ku mwanya wa gatatu.

Verstappen yatwaye isiganwa ku buryo bwamworoheye kubera ko mugenzi we Lewis Hamilton byari byitezwe ko aza guhangana na we yavuyemo amaze kuzenguruka agace kamwe gusa kubera impanuka yakoze.

Impanuka ya Hamilton yaje nyuma yo kugonga mugenzi we Fernando Alonso we waje gukomeza isiganwa kubera ko nta kibazo imodoka ye yigeze igira.

Mbere y’umukino Hamilton ukinira ikipe ya Mercedes Benz, yatangaje ko impamvu ziri gutuma atitwara neza mu marushanwa ari uko ari gukoresha imodoka zitagezweho ariko mu marushanwa ataha akaba azakoresha imodoka nshya akaba ari bwo azereka byinshi abakunzi be.

Max Verstappen yegukanye iri siganwa ari nawe wari ufite iryabanje ryabereye muri Hungary. Naho Lewis Hamilton wavuye mu irushanwa yari yaje ku mwanya wa kabiri. Irindi siganwa riteganyijwe tariki ya 2 kugera 4 Nzeri 2022.

Byari ibyishimo kuri Max Verstappen ubwo yegukanaga irushanwa ry'iwabo mu Bubiligi
Max Verstappen wa Red Bull ni we wahize abandi
Lewis Hamilton akomeje kwitwara nabi, kuri iyi nshuro yakoze impanuka ava mu irushanwa hakiri kare
Belgian Grand Prix 2022 yegukanywe na Max Verstappen

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .