Amarushanwa yo gusiganwa mu modoka mu Rwanda muri uyu mwaka wa 2024, yatangiye muri Werurwe aho hakinwe Sprint Rally yabereye i Rwamagana.

Kuri ubu, Ishyirahamwe ry’uyu mukino riri gutegura Huye Rally izakinirwa mu Majyepfo tariki ya 14-16 Kamena 2024 mu gihe tariki ya 1 Nzeri ari bwo hazakinwa indi Sprint Rally izabera i Gako.

Isiganwa rikomeye rya Rwanda Mountain Gorilla Rally, riri ku ngengabihe ya Shampiyona Nyafurika, rizakinwa iminsi itatu tariki ya 18-20 Ukwakira 2024.

Rwanda Mountain Gorilla Rally y’uyu mwaka, yagombaga gukinwa muri Kamena, ariko RAC yandikira Ishyirahamwe ry’Umukino wo Gusiganwa mu Modoka ku Isi (FIA) isaba ko yaba mu Ukwakira kubera ibindi bikorwa biteganyijwe icyo gihe.

Ikindi gikorwa kijyanye n’uyu mukino kizabera mu Rwanda muri uyu mwaka ni Inteko Rusange ya FIA iteganyijwe ku wa 13 Ukuboza 2024, aho hazanatangwa ibihembo ku bitwaye neza mu marushanwa atandukanye arimo na Shampiyona y’Isi ya Formula One.

10 years have gone so fast! 🥹
The upcoming 2024 FIA Prize Giving ceremony marks a significant milestone as it will be hosted on the African continent for the first time ever. Save the date and join us in Kigali, Rwanda, on the 13th of December 2024. pic.twitter.com/fNe4Z5V0Ma

— FIA (@fia) April 2, 2024

Muri Shampiyona y’u Rwanda yo gusiganwa mu modoka, kuri ubu urutonde ruyobowe na Giancarlo Davite ukinana na Damien Bernard, bombi bafite amanota 35.

Kanangire Christian na Mujiji Kevin bakinana, ni aba kabiri n’amanota 28 mu gihe ku mwanya wa gatatu hari Mitraros Elefterios na Paolo Paganin bafite amanota 24.

Muri uyu mwaka, n’abanyamahanga bakaba bashobora gukina Shampiyona y’u Rwanda cyangwa n’Abanyarwanda bakaba bajya gukina mu zindi shampiyona zo hanze.

Abakinnyi bazitwara neza muri Formula One ya 2024 bazahemberwa i Kigali

Giancarlo Davite ayoboye urutonde rwa Shampiyona y'u Rwanda yo gusiganwa mu modoka