00:00:00 IGIHE NETWORK KN KINYARWANDA EN ENGLISH FR FRANCAIS

Igihembo cya Inzozi Lotto cyageze kuri miliyoni 7 Frw, abakorana nayo bayivuga imyato

Yanditswe na Mugisha Christian
Kuya 10 May 2022 saa 04:26
Yasuwe :

Inzozi Lotto ikomeje kuba ubukombe mu mikino y’amahirwe ikinirwa mu Rwanda aho irushaho guharanira iterambere ry’abahatuye ibinyujije mu mahirwe ibagenera ikanaharanira guteza imbere siporo Nyarwanda nk’uko bikubiye mu masezerano bafitanye na Minisiteri ya Siporo mu Rwanda.

Iyi mikino y’amahirwe ya Inzozi Lotto, ishyirwa mu bikorwa na Sosiyete Carousel Ltd ishyigikira siporo binyuze mu mafaranga yakusanyijwe agakurwamo azakoreshwa mu gushyigikira siporo y’u Rwanda.

Kuri ubu Inzozi Lotto igizwe n’imikino itatu itandukanye yose iha amahirwe ukinnye yo kwegukana amafaranga yaba ako kanya cyangwa mu gihe cy’icyumweru kimwe gusa.

Inzozi Lotto yari ifite imikino ibiri gusa ariko haheruka kongerwamo uwa gatatu kubw’inyungu z’abawukina. Muri iyo mikino harimo ‘Quick Lotto’, aho uwakinnye ahitamo umubare umwe muri 35 [ni ukuvuga hagati ya 0-34], akavuga amafaranga awutegeye, yatsinda agakubirwa inshuro 15.

Ni ukuvuga ko niba washyizeho 1500 Frw ushobora gutsindira 22.500 Frw. Iyi tombola iba buri minota 10, uyikina ashobora gutega ari hagati ya 300 Frw na 10.000 Frw.

Undi mukino ni ‘JackPot Lotto’, aho utsinze ahabwa miliyoni 7 Frw. Ukina ahitamo imibare itandatu muri 49. Hanyuma ku Cyumweru ni bwo abatsinze batangarizwa.

Uwahisemo imibare ihuye n’iyatangajwe ni we utangazwa nk’uwatsinze. Utega muri iki cyiciro, itike ye ayigura amafaranga 500 Frw.

Inzozi Lotto iheruka gutangaza umukino mushya wiswe ‘QUICK 10’, aho uwukina asabwa gushora amafaranga ari hejuru ya 300 Frw, yatsinda agakubirwa inshuro esheshatu.

Muri uyu mukino, abakinnyi bashobora gutombora imibare 10, kuva kuri zero kugera ku icyenda (0-9). Abakinnyi babashije gukina neza bagahuza imibare isabwa, baba batsinze kandi bagatangazwa buri minota itanu.

Amafaranga make ashobora kwifashishwa muri uyu mukino ni 300 Frw mu gihe umukinnyi ashobora gushyiraho amafaranga ashaka, yatsinda agakubirwa inshuro esheshatu z’ayo yashyizeho.

Kugeza magingo aya Abanyarwanda bagaragaje kwitabira iyi mikino ku kigero cyo hejuru nk’uko byemezwa n’umukozi wa Inzozi Lotto, Umuhoza Faustine ukorera Nyabugogo mu mujyi wa Kigali.

Umuhoza yagize ati “Ikigaraga ni uko abenshi bamaze kuyisobanukirwa ku buryo ubwitabire bwabo kuri kugenda buzamuka uko iminsi ishira ariko hari n’abandi batarabyiyumvamo ukagerageza kubibasobanuria gusa bo ni bake kuko abenshi bahora bifuza gukina.”

Yakomeje agira ati “Njyewe iyo mbonye ahari abantu benshi ndabasanga nkabashishikariza uko umukino ukinwa, nkabasobanurira hanyuma ababyumva bagakina iyo mbikoze gutyo barakina ku bwinshi.”

Umuhoza Faustine, asobanurira umukiliya uko imikino ikinwa

Umuhoza yavuze ko ikigero cy’abatsinda ku munsi ugereranije n’abakina ari cyiza kuko ngo iyo hakinnye nk’abantu 20, umunani cyangwa icyenda muri bo batsinda.

Yasabye ko hakongerwa amashami ya Inzozi Lotto kuko ubu bakorera muri Gicumbi, Musanze, Rubavu na Kigali.

Uyu mubyeyi yavuze ko gukorana na Inzozi Lotto byamugejeje kuri byinshi birimo kwibeshaho mu buzima busanzwe.

Ati “Inyungu za mbere barampemba kuko ndi umukozi wabo kandi nanjye ndakina rimwe nkatsinda ubundi nkatsindwa ariko urumva iyo nanjye nakinnye hakaza na wa mushakara w’ukwezi, mba meze neza.”

Yakomeje agira ati “Amafaranga mbona amfasha kwita ku muryango wanjye kuko mfite n’umwana, rero amfasha mu gushaka ibikoresho bye by’ishuri no kwishyura amafaranga y’ishuri nkaba nagira n’ibindi nkora byo kwiteza imbere.”

Umuhoza yavuze ko hari inyungu iyi mikino izana ku Banyarwanda bose kuko iyo abantu benshi bakinnye imisoro yiyongera kandi iyo imisoro ariyo ikoreshwa mu kubaka ibikorwa remezo birimo amashuri, imihanda, amavuriro ndetse n’ibindi.

Abaturarwanda bashishikarijwe gukina imikino ya Inzozi Lotto uko ari itatu, bakaba bagira amahirwe yo kuba batsindira ibihembo bitandukanye kuko ubu igihembo nyamukuru kigeze kuri miliyoni 7 Frw.

Umuhoza Faustine, ashima Inzozi Lotto ko igira uruhare mu iterambere ry'umuryango we
Imashini zifashishwa n'aba-agent ba Inzozi Lotto mu guha serivisi ababagana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .