00:00:00 IGIHE NETWORK KN KINYARWANDA EN ENGLISH FR FRANCAIS

Handball: U Rwanda rwatangiye neza mu gikombe cy’Afurika cy’Abatarengeje imyaka 18

Yanditswe na Byiringiro Osée Elvis
Kuya 31 August 2022 saa 08:41
Yasuwe :

Ikipe y’Igihugu y’Abatarengeje imyaka 18 muri Handball, yatangiye imikino y’igikombe cy’Afurika yitwara neza nyuma yo gutsinda Madagascar ibitego 53-32.

Kuri uyu wa kabiri tariki 30 Kanama 2022 hatangiye imikino y’Afurika mu cyiciro cy’abatarengeje imyaka 18 (U-18 African Men’s Handball Championship)

Bibaye nyuma y’imikino y’Afurika mu batarengeje imyaka 20, yarangiye mu cyumweru gishize u Rwanda rubaye urwa nyuma.

Umukino wo kuri uyu wa Kabiri ni umukino utagoye ikipe y’u Rwanda cyane ko izi ngimbi ngo zari zakaniye uyu mukino nyuma yo gutenguhwa na bakuru babo.

Umutoza w’ikipe y’Igihugu y’Abatarengeje imyaka 18 muri Handball, Bagirishya Anaclet, yavuze ko gukina umukino wihuta cyane kandi bashotera kure, aribyo byabafashije gutsinda uyu mukino.

Si uyu mukino gusa wabaye kuri uyu wa kabiri, kuko Uganda yatsinze Libya ibitego 35-28, Misiri itsinda Algeria 43-19, u Burundi butabonetse buterwa mpaga y’ibitego 10.

Kuri uyu wa Gatatu, tariki 31 Kanama 2022, harakinwa imikino y’umunsi wa kabiri mu matsinda aho ikipe ya Algeria ikina na Madagascar saa saba, ikipe y’u Burundi ikine na Libiya saa Cyenda, Maroc ikine na Uganda saa kumi n’imwe, naho ikipe ya Misiri ikine n’u Rwanda saa moya.

Itsinda rya mbere rigizwe na Maroc, Libiya, Uganda n’u Burundi, itsinda rya kabiri rigizwe na Misiri, Rwanda, Algeria na Madagascar.

U Rwanda rwatsinze Madagascar bitarugoye
Abafana ku ruhande rw'u Rwanda bari babukereye muri BK Arena
Ku wa 31 Kanama 2022, Ikipe y’Igihugu y’Abatarengeje imyaka 18 muri Handball, yatsinze Madagascar ibitego 53-32 mu mukino warwo wa mbere w’Igikombe cya Afurika
Abakinnyi b'u Rwanda bari bafite akanyamuneza nyuma yo kubona intsinzi ya mbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .