Zaha mu bakinnyi 24 Côte d’Ivoire yahamagariye umukino w’Amavubi

Yanditswe na Eric Tony Ukurikiyimfura
Kuya 14 Werurwe 2019 saa 03:28
Yasuwe :
0 0

Umutoza w’Ikipe y’Igihugu ya Côte d’Ivoire ‘Les Eléphants’, Ibrahim Kamara yamaze gutangaza urutonde rw’abakinnyi 24 yahamagaye mu mwiherero, barimo rutahizamu wa Crystal Palace Wilfried Zaha. Aba bazavamo abakina umukino w’u Rwanda mu gushaka itike y’igikombe cya Afurika cya 2019 kizabera mu Misiri muri Kamena.

Côte d’Ivoire yamaze kubona itike yo gukina iyi mikino ya nyuma, izakira Amavubi tariki ya 23 Werurwe kuri Stade Bouaké mu Mujyi wa Abidjan, mu mukino usoza iyo mu itsinda H.

Ubwo umutoza Kamara yatangazaga ikipe azifashisha kuri uyu wa Kane, uru rutonde rwa 24 ntirwagaragayeho myugariro wa Amiens, Prince-Désir Gouano, Gervinho ukinira Parma, Wonlo Coulibaly na Yakou Meïté.

Amazina akomeye yahamagawe harimo Eric Bailly, Serge Aurier, Serey Dié, Jean Michel Seri, Max-Alain Gradel, Nicolas Pépé, Jonathan Kodjia na Wilfried Zaha mu gihe Cheick Doukouré wa Levante FC na Adama Traoré wa Göztepe basizwe kubera imvune bafite.

Côte d’Ivoire iri ku mwanya wa kabiri mu itsinda H n’amanota umunani, inyuma ya Guinea ya mbere ifite amanota 11. Centrafrique ifite amanota atanu ku mwanya wa gatatu mu gihe u Rwanda rufite amanota abiri ku mwanya wa nyuma.

Uretse umukino w’u Rwanda, aba bakinnyi bahamagawe bazanifashishwa kandi ku mukino wa gicuti Côte d’Ivoire izahuramo na Liberia tariki ya 26 Werurwe.

Abakinnyi 24 bahamagawe ku ruhande rwa Côte d’Ivoire

Abanyezamu

-  Cisse Abdoul Karim (ASEC Mimosas/ Côte d’Ivoire)
-  Badra Ali (Free States Stars/ Afurika y’Epfo)
-  Gbohouo Sylvain (TP Mazembe/ Congo Kinshasa)

Ba myugariro

-  Eric Bailly (Manchester United/ mu Bwongereza)
-  Serge Aurier (Tottenham/ mu Bwongereza)
-  Kanon Wilfried (ADO La Haye/ mu Buholandi)
-  Abdoulaye Bamba (Angers/ mu Bufaransa)
-  Wonlo Coulibaly (ASEC Mimosas/ Côte d’Ivoire)
-  Ismael Traoré (Angers/ mu Bufaransa)
-  Simon Dely (Slavia Prague ( Repubulika ya Tchèque)
-  Mamadou Bagayoko (Red Star mu Bufaransa)

Abakina hagati

-  Serey Dié (FC Bâle/ mu Busuwisi)
-  Frank Kessie (Milan AC/ mu Butaliyani)
-  Serri Jean Michaël (Fulham / mu Bwongereza)
-  Ismael Diomande (Caen/ mu Bufaransa)
-  Jean Philippe Gbamin (Mayence/ mu Budage)
-  Angban Victorien (Metz/ mu Bufaransa)

Ba rutahizamu

-  Kodjia Jonathan (Aston Villa / mu Bwongereza)
-  Assale Roger (Young Boys / mu Busuwisi)
-  Pépé Nicolas (Lille/ mu Bufaransa)
-  Max Gradel (Toulouse FC/ mu Bufaransa)
-  Maxwel Cornet (Lyon/ mu Bufaransa)
-  Yacou Meité (Reading FC/ mu Bwongereza)
-  Zaha Wilfried (Crystal Palace/ mu Bwongereza)

Wilfried Zaha ukinira Crystal Palace mu Bwongereza ni umwe mu bakinnyi bakomeye bahamagawe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza