Kuri uyu wa Gatanu, tariki ya 15 Gicurasi 2026, ni bwo habaye umuhango wo gushyira umukono ku masezerano y’uyu mushinga, witabiriye na Perezida wa Yanga SC, Hersi Said, n’Umuyobozi Mukuru wa GSM Group, Ghalib Said Mohamed.

Hersi Said yavuze ko ari umushinga umaze igihe kinini utekerezwaho, uzihuta mu kuwushyira mu bikorwa, ndetse uzaba uriho uruhare runini rw’abakunzi ba Yanga SC.

Ati “Twaraganiriye bihagije njye na Ghalib, twashatse ko GSM iwugiraho uruhare rw 80% cyangwa Yanga SC igasigarana 20%, tugera aho tuvuga ko Yanga SC yagira 49% hanyuma 51% ikaba iya GSM kuko ari iyo izatanga amafaranga menshi mu kuyubaka, ariko twemeje ko ari 50% kuri 50%.”

“Inyungu rero zizaturuka kuri uyu mushinga tuzazigabana twembi, dore ko uyu ari umwe mu mishinga ituma ikipe yacu irushaho gukomera ku ruhando mpuzamahanga.”

Stade ya Yanga SC izubakwa ahazwi nka ‘Jangwani’, izaba ifite ubushobozi bwo kwakira abafana bari hagati y’ibihumbi 25 n’ibihumbi 35, izaba isakaye mu bice byayo byose.

Izaba ifite imyanya yahariwe kujyamo amaduka atandukanye, ahacururizwa imyambaro y’ikipe, ivuriro, Gym n’imyanya y’icyubahiro kandi yubatse mu buryo bugezweho kandi bufasha abanyacyubahiro gukurikira imikino bisanzuye.

Mu kuyubaka hazakurikizwa amategeko n’amabwiriza agenga ibibuga y’Ishyirahamwe rya Ruhago ku Isi (FIFA), ndetse n’amategeko y’Impuzamashyirahamwe ya Ruhago muri Afurika (CAF).

Izaba irimo ikoranabuhanga ry’amashusho ya VAR, ndetse ikibuga cyayo kizaba gifite ubwatsi bw’ubukorano buvanze n’ubwatsi busanzwe.

Yanga SC na GSM Group bizagira uruhare rungana kuri stade nshya

Perezida wa Yanga SC, Hersi Said n'Umuyobozi Mujkuru wa GSM Group, Ghalib Said Mohamed bamaze gushyira umukono ku masezerano

Stade ya Yanga SC izaba isakaye hose

Iki ni icyumba cy'amashusho y'ibibera muri stade byose

Uru ni urwambariro rwa Yanga SC

Insakazamashusho za stade ya Yanga SC zizaba ari nini ku buryo bugaragara

Ibyapa byamamaza na byo bikoze mu buryo bugezweho

Abari mu myanya y'icyubahiro bazajya bakurikirana umukino bafite umutekano usesuye

Imyanya y'icyubahiro izaba itunganyijwe ku buryo bugezweho

Umwanya wa Gym uzaba uhariwe abakora imyitozo

Iri nin iduka ry'imyenda ya Yanga SC

Iri ni ivuriro ry'ikipe rizaba riri muri stade

Ni stade izaba irimo iduka ricururizwamo ibyo kurya

Ni stade izaba irimo iduka ricururizwamo ibyo kurya