00:00:00 IGIHE NETWORK KN KINYARWANDA EN ENGLISH FR FRANCAIS

Umunyarwanda Irvyn Lomami yazamuwe mu ikipe yo mu Cyiciro cya Mbere mu Bufaransa

Yanditswe na Iradukunda Olivier
Kuya 28 July 2022 saa 03:58
Yasuwe :

Irvyn Lomami ufite amaraso y’ababyeyi b’Abanyarwanda yazamuwe mu Ikipe Nkuru ya Olympique Lyonnais ikina muri Shampiyona y’Icyiciro cya Mbere mu Bufaransa, Ligue I.

Uyu musore w’imyaka 18 ukina nka myugariro uca ku ruhande rw’iburyo ni umwe mu bazifashishwa n’iyi kipe izwi nka Lyon cyangwa OL muri shampiyona ya 2022/23.

Muri Kamena 2022, ni bwo Irvyn Lomami yasinye amasezerano y’imyaka itatu muri iyi kipe y’igihangange mu Bufaransa.

Uyu mukinnyi yishimiwe cyane n’Umutoza wa Lyon, Peter Sylvester Bosz, wahise afata icyemezo cyo kumuzamura mu ikipe ya mbere.

Irvyn Lomami yari asanzwe ari umwe mu bakinnyi bagenderwaho mu bwugarizi bw’ikipe ya kabiri ya Lyon.

Mu mwaka w’imikino ushize, Irvyn Lomami yakinnye imikino 18 ya shampiyona. Ikipe ye yasoje iri ku mwanya wa 10.

Iterambere rya Lomami ririhuse cyane, kuko umwaka ushize ni bwo yazamuwe muri Lyon y’abatarengeje imyaka 19 [U-19] mu ikipe ya kabiri [Team B] ari naho yagaragarije ubushobozi bwe.

Lomami yavukiye mu Bufaransa ku babyeyi b’Abanyarwanda. Kugeza ubu yemerewe gukinira igihugu icyo aricyo cyose, nubwo amahitamo ye atarayatangaza.

Irvyn Lomami w'imyaka 18 aheruka gusinyira Lyon amasezerano azamugeza mu mwaka wa 2025
Irvyn Lomami yazamuwe mu Ikipe Nkuru ya Olympique Lyonnais ikina muri Shampiyona y’Icyiciro cya Mbere mu Bufaransa, Ligue I
Lomami ni myugariro ukina aca ku ruhande rw'iburyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .