00:00:00 IGIHE NETWORK KN KINYARWANDA EN ENGLISH FR FRANCAIS

Ubwiza bwa hoteli Amavubi acumbitsemo muri Afurika y’Epfo (Amafoto)

Yanditswe na Byiringiro Osée Elvis
Kuya 9 June 2024 saa 04:10
Yasuwe :

Ikipe y’Igihugu ‘Amavubi’ imaze iminsi muri Afurika y’Epfo, aho izakirirwa na Lesotho mu mukino w’umunsi wa kane mu yo gushaka itike y’Igikombe cy’Isi cya 2026 uteganyijwe ku wa Kabiri, tariki 11 Kamena 2024.

Amavubi acumbitse muri Hoteli y’inyenyeri eshanu yitwa The Capital Zimbali Hotel iherereye mu gace ka Ballito mu Mujyi wa Durban.

Iyi hoteli iherereye ku nkengero z’Inyanja y’Abahinde hafi y’ikibuga cy’indege cya King Shaka International, cyane ko ari iminota 15 gusa ukaba uyigezeho.

Durban ni umwe mu mijyi ikomeye muri Afurika y’Epfo kuko uza ku mwanya wa gatatu mu guturwa cyane, nyuma ya Johannesburg na Cape Town.

Ni umujyi kandi ufite ikirere cyiza kuko udashyuha cyane cyangwa ngo ukonje cyane. Mu gihe cy’impeshyi, impuzandengo y’ubushyuhe aba ari 24 °C mu gihe cy’ubukonje ari 17 °C.

Amavubi afite akazi gakomeye ko kwikura imbere ya Lesotho iri mu mwuka mwiza nyuma yo gutsindira Zimbabwe iwayo ibitego 2-1 ikanayobora itsinda rya gatatu n’amanota atanu, ikurikiwe n’u Rwanda na Bénin zifite ane.

Muri iyi nkuru tugiye kugaruka ku mafoto amwe agaragaza ubwiza bw’iyi hoteli Ikipe y’Igihugu icumbitse muri Afurika y’Epfo.

Ku marembo ya The Capital Zimbali Hotel ni uko hameze
Aho bafatira amafunguro ni uko hagaragara
Mu cyumba cy'abantu babiri gikunzwe kurarwamo n'amakipe
Ahategurwa amafunguro hagaragaza ko ari hoteli y'inyenyeri eshanu
Aho bafatira amafunguro uwa witegeye Inyanja y'Abahinde
Iyi hoteli ifite ibyumba bigezweho
Ubwogero ni bumwe mu bugezweho
Iyi hoteli ifite Piscine yagutse
The Capital Zimbali Hotel iherereye ku nkengero z'Inyanja y'Abahinde
The Capital Zimbali Hotel itanga amasomo yo gukina Golf

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .