Tuyisenge Jacques yaburiye Rayon Sports ku biyitegereje i Nairobi

Yanditswe na Manzi Rema Jules
Kuya 18 Kanama 2018 saa 12:38
Yasuwe :
0 0

Rutahizamu w’Umunyarwanda, Tuyisenge Jacques ukinira Gor Mahia yo muri Kenya, yaburiye Rayon Sports mbere y’umukino wa Total CAF Confederation Cup, uzahuza aya makipe kuri iki Cyumweru tariki 19 Kanama 2018.

Umukino wa mbere wabereye i Kigali, aya makipe yanganyije igitego 1-1 Rayon Sports itsindiwe na Rutanga Eric wishyuraga icya Kagere Meddie utagikinira Gor Mahia, kuko yamaze kwerekeza muri Simba SC yo muri Tanzania.

Umukino wo kwishyura hagati y’aya makipe uteganyijwe kuri iki Cyumweru ku kibuga Moi International Sports Centre Kasarani i Nairobi, aho Rayon Sports kuri ubu ifite amanota atatu gusa mu mikino ine, isabwa gutsinda Gor Mahia ifite amanota umunani inganya na USM Alger zikaba ari nazo zifite amahirwe menshi yo kujya muri ¼.

Aganira n’itangazamakuru muri Kenya kuri uyu mukino, Umunyarwanda Tuyisenge Jacques usanzwe ari imwe mu nkingi za mwamba Gor Mahia igenderaho, yatangaje ko Rayon Sports ari ikipe ikomeye ariko idashobora kubatsindira mu rugo.

Yagize ati "Ni ikipe nzi cyane, ni ikipe ikomeye ariko nizera ko nta kipe ishobora kudutsindira hano mu rugo. Twakoze neza mu mwiteguro yacu kandi turizera ko buri kimwe kizagenda neza ku Cyumweru."

Yakomeje agira ati “Itandukaniro rikomeye hagati y’ikipe yasuye n’ikipe ikinira mu rugo ni uko abafana baba nabo bameze nk’abari mu mukino ku bari mu rugo, naho ubundi mu kibuga byose biba ari kimwe. Twizeye ko tuzakora ibyacu neza kandi tugahesha agaciro amafaranga y’abafana."

Rayon Sports irasabwa gutsinda uyu mukino byanze bikunze kuko kunganya cyangwa gutsindwa byatuma icyizere cyose cyo kuzajya muri ¼ kiyoyoka.

Biteganyijwe ko Rayon Sports ihaguruka mu Rwanda saa 17h00 za nimugoroba ijyanye abakinnyi 17 batarimo; Ndayisenga Kassim, Yannick Mukunzi na Christ Mbondi bahagaritswe na CAF kubera imyitwarire mibi na Irambona Eric ufite amakarita abiri y’umuhondo.

Urutonde rw’abakinnyi 17 bazakina na Gor Mahia

1. Bashunga Abouba

2. Mutsinzi Ange

3. Nyandwi Saddam

4. Rutanga Eric

5. Rwatubyaye Abdul

6. Manzi Thierry

7. Mugabo Gabriel

8. Mugisha François Master

9. Niyonzima Olivier Sefu

10. Manishimwe Djabel

11. Muhire Kevin

12. Yassin Mugume

13. Nova Bayama

14. Mugisha Gilbert

15. Bimenyimana Bonfils Caleb

16. Donkor Prosper Kuka

17. Kouame Brou Gerard Stephane

Tuyisenge Jacques yaburiye Rayon Sports kudatekereza gukura amanota atatu i Nairobi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza