00:00:00 IGIHE NETWORK KN KINYARWANDA EN ENGLISH FR FRANCAIS

Thomas Tuchel ntiyifuza gutoza Manchester United

Yanditswe na Iradukunda Olivier
Kuya 10 June 2024 saa 01:08
Yasuwe :

Umudage Thomas Tuchel yakuriye inzira ku murima Manchester United yifuzaga kuzamuha akazi ko kuyitoza mu gihe yaba imaze gutandukana na Erik ten Hag uyitoza kugeza ubu.

Manchester United iri gushaka uko yiyubaka kugira ngo izitware neza mu mwaka utaha. Ikiyiraje ishinga kurusha ibindi ni ugushaka abatoza bashya bazayifasha mu mwaka utaha dore ko izakina na UEFA Europa League.

Iyi niyo mpamvu umuherwe w’iyi kipe Sir Jim Ratcliffe yahuriye na Thomas Tuchel mu Bufaransa kugira ngo baganire ku cyakorwa kugira ngo azayitoze.

Tuchel ntabwo yemeye aka kazi kuko kuva yasezererwa muri Bayern Munich yafashe umwanzuro wo kuba ahagaritse gutoza by’agateganyo mu rwego rwo kuruhuka.

Si Man United yonyine yifuje uyu mutoza wanyuze muri Chelsea kuko yahakaniye na Borussia Dortmund ndetse na Paris Saint-Germain zashakaga kumuha akazi.

Biravugwa ko nyuma yo guhakanira iyi kipe biteganyijwe ko Sir Jim Ratcliffe ahita yerekeza ku Mutoza Mukuru w’u Bwongereza, Gareth Southgate, akaba yayijyamo nyuma y’irushanwa rya Euro 2024.

Abandi batoza bavuzwe muri Manchester United harimo Mauricio Pochettino na Graham Potter birukanwe muri Chelsea, Thomas Frank wa Brentford n’abandi nubwo na Erik ten Hag acyifitiye icyizere.

Thomas Tuchel yateye utwatsi Manchester United

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .