Rutahizamu wa Crystal Palace asigaye agira ubwoba bwo gukoresha Instagram kubera irondaruhu

Yanditswe na Kabera Haruna
Kuya 29 Nyakanga 2020 saa 08:00
Yasuwe :
0 0

Rutahizamu wa Crystal Palace, Wilfried Zaha, yavuze ko asigaye agira ubwoba bwo gukoresha imbuga nkoranyambaga zirimo Instagram kubera ubutumwa yakiriraho bwuzuyemo irondaruhu.

Ku wa 12 Nyakanga uyu mwaka, Polisi yo mu Bwongereza yatangaje ko yataye muri yombi umwana w’imyaka 12 woherereje ubutumwa bw’irondaruhu rutahizamu wa Crystal Palace, Wilfried Zaha, yifashishije imbuga nkoranyambaga.

Mu kiganiro yagiranye n’Umunyamakuru wa CNN, Wilfried Zaha yavuze ko ubu abakinnyi b’umupira w’amaguru bafite uruhu rwirabura batakishimira gukoresha Instagram nka mbere.

Ati ”ku birabura dukina umupira w’amaguru ntabwo tugishimishwa no gukoresha Instagram, sinkishimira kureba ifoto indanga kuri urwo rubuga nk’uko ntinya gusoma ubutumwa mba nohererejwe buba bwuzuyemo ibindi bintu.”

“Nta na Twitter nkigira muri telefoni yanjye kuko akenshi na kenshi iyo umukino urangiye mba ndibuhure n’ibitutsi kuko babikora mu bwisanzure.”

“Ni nk’uriya mwana w’imyaka 12, yandikiye n’abandi bakinnyi nka batatu bo mu ikipe yanjye nabo ababwira amagambo y’irondaruhu, bisa nk’aho atari bishya kuko mu ifatwa ry’uriya mwana nafungishije konti 50 natukiweho mbere.”

Intagram yaguzwe na Facebook yari imaze iminsi inengwa ku kuba itarinda abakinnyi b’abirabura mu irondahuru bakorerwa kuri konti zabo.

Umuvuguzi wa Facebook na Instagram, Simon Dilner, yatangarije CNN ko batihanganira irondaruhu igihe bahuye n’ubutumwa bwarenze ku mahame y’izi mbuga, avuga ko babukuraho kandi bagafunga konti z’abakomeza kubikora.

Ati ”Intagram na Twitter ntabwo bizihanganira abantu bangiza amahame yazo bakazinyuzaho ubutumwa bw’irondaruhu. Twashoye miliyari z’amadolari ku bantu n’ikoranabuhanga bizadufasha kubarwanya.”

“Kuva mu cyumweru gishize tumaze gufunga konti zirenga 300 kandi dufite gahunda yo guhagarika izisaga 6000 mu rwego rwo gutanga urugero kuri abo babikora.”

Rutahizamu wa Crystal Palace, Wilfried Zaha, yatangaje ko asigaye agira ubwoba bwo gukoresha Instagram kubera irondaruhu akorerwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .