Umukino wa nyuma w’iri rushanwa ritegurwa na ARPST wabereye kuri Kigali Pelé Stadium ku wa Gatatu, tariki ya 1 Gicurasi 2024.

Umutoza wa RMB yari yitabaje abakinnyi barimo Habimana Jean Claude, Habineza Janvier, Kagaba Alexis, Kwizera Serge, Dushimimana Jean Blaise, Ndoli Ivan; Kamukama Amosi, Shyerezo Munyampundu, Mfurayatwembi Gentil Pacifique, Kazindu Hyacinthe na Niyigena Théophile.

Ku ntebe y’abasimbura hariho Haragirimana Dieudonné, Nsengumuremyi Donat, Ndayishimiye Fred, Birori Cédric, Ndabikunze Alain Steve, Rurangwa François Xavier, Kwizera Remy, Muhire Innocent, Nzabakiza Ruhumuriza na Harerimana Jean de Dieu.

Igice cya mbere cy’umukino cy’uyu mukino wabanjirijwe no gufata umunota wo wwibuka Abatutsi bishwe muri Jenoside mu 1994, cyarangiye RMB ifite igitego 1-0 cyatsinzwe na Mfurayatwembi Gentil Pacifique.

Mu gice cya kabiri, Umutoza wa RMB, Mugwaneza Pacifique bakunze kwita Bebeto, yakoze impinduka akuramo Shyerezo Munyampundu na Dushimimana Jean Blaise, yinjiza Muhire Innocent na Rurangwa François Xavier, zaje gutanga umusaruro kuko RMB yahise itsinda ikindi gitego cya kabiri cyinjijwe na Ndoli Ivan.

Igitego cy’impozamarira cya RTDA cyatsinzwe na Murengerantwari Adolphe ubwo umukino wari hafi kurangira.

Byari ibyishimo ku bakinnyi ba RMB bishimiye kongera gutwara igikombe bavuga ko bitari byoroshye, ariko ko byari intego bihaye. Bavuze ko nubwo gukina aya marushanwa bibafasha gukora siporo ariko kugira intego yo gutsinda babishyira imbere cyane.

Kapiteni akaba na Myugariro wa RMB, Habineza Janvier, yagize ati “RTDA ni ikipe nziza cyane, twaje tubizi ko iri buduhe akazi gakomeye, ariko twayirushaga ubunararibonye. Iyi ni inshuro ya kane dukina umukino wa nyuma by’umwihariko ikaba inshuro ya kabiri kuri iri rushanwa ry’Umunsi w’Umurimo, rero byadufashishe kwikuraho igitutu cyose yari kudushyiraho cyane cyane ko atari ubwa mbere tuyitsinda.”

RMB yisubije iri rushanwa yaherukaga kwegukana mu 2023 aho yari yatsinze Minisiteri y’Ibikorwaremezo (MININFRA) ibitego 3-1 ku mukino wa nyuma.

Abakinnyi ba RMB bari mu rwambariro mbere yo gukina umukino wa nyuma

RMB yari yifitiye icyizere dore ko ari yo yatwaye irushanwa riheruka

Ubwo abakinnyi bishyushyaga mbere y'umukino

Abakinnyi ba RTDA basuhuzanya n'aba RMB mbere y'uko umukino utangira

Abakinnyi babanje mu kibuga ku ruhande rwa RMB: Mu bahagaze, uhere ibumoso hari Habimana Jean Claude, Habineza Janvier, Kagaba Alexis, Kwizera Serge, Dushimimana Jean Blaise, Ndoli Ivan. Abicaye ni: Kamukama Amosi, Shyerezo Munyampundu, Mfurayatwembi Gentil Pacifique, Kazindu Hyacinthe na Niyigena Théophile.

Abakinnyi ba RMB babanje ku ntebe y'abasimbura

Staff Technique ya RMB yari ifite icyizere

abakapiteni b'amakipe yombi bifotozanya n'abasifuzi

Umukino wabanjirijwe no gufata umunota wo kwibuka Abatutsi bishwe muri Jenoside mu 1994

RMB yafunguye amazamu mu gice cya mbere

Impinduka RMB yakoze mu gice cya kabiri, zayihesheje kubona igitego gishimangira intsinzi

Byari ibyishimo kuri RMB yisubije Igikombe cy'Irushanwa ry'Umunsi w'Umurimo