Ku mugoroba wo ku wa Kabiri, tariki ya 1 Nzeri 2026, ni bwo Gikundiro yagaragaje imyambaro izakoresha ibinyujije ku mbuga nkoranyambaga zayo.

Mu kuwumurika yifashishije abakinnyi bayo bashya ndetse n’abakobwa b’uburanga, yerekana umwambaro wo mu rugo uri mu ibara ry’ubururu yaba ku mupira no ku itabutura.

Ibirango by’abaterankunga bayo bayobowe na Banki ya Kigali iri mu gatuza, hejuru yayo hakaba uwakoze umwambaro n’ikirango cya Rayon Sports, Jayrutty na yo ikaba ku rutugu. Ibirango biri mu ibara ry’umweru.

Umwambaro wo hanze uri mu ibara ry’umweru, ukagira ibirango by’ubururu, gusa ikirango cya Umbro cyo kikaba umukara. Umwambaro wa gatatu wo uri mu bururu bw’ikirere n’ibirago by’ubururu.

Rayon Sports yamuritse uyu mwambaro mu gihe iri kwitegura umukino w’ijionjora rya mbere uzayihuza na Panthère Sportive du Ndé, uzabera muri Cameroun ku itariki ya 4 Nzeri 2026.

Umwambaro wa Rayon Sports wo mu rugo ni ubururu hose

Imyambaro y'abafana na yo yamuritswe

Umwambaro wa gatatu wa Rayon Sports uri mu bururu bw'ikirere

Tony Kitoga mu mwambaro wo hanze wa Rayon Sports