Ku mugoroba wo kuri iki Cyumweru, tariki ya 5 Nyakanga 2026, ni bwo Rayon Sports yanyujije ubutumwa ku mbuga nkoranyambaga zayo, itangaza ko yungutse umukinnyi mushya.

Uyu mukinnyi wahawe amasezerano y’imyaka ibiri, yakiniye Ikipe y’Igihugu ya Repubulika ya Centrafrique y’Abatarengeje imyaka 22, akaba ari umunyamahanga wa gatandatu uguzwe.

Uyu mukinnyi utari ufite ikipe akinira, asanze Gikundiro ifite abandi banyamahanga bashya barimo Issa Djiguiba wo muri Mali, Ibrahim Djingarey wo muri Niger, Antonio Atisso Kodjo wo muri Bénin, Charles Tchouplaou wo muri Tchad na Matumona Wakonda Kanda wo muri RDC.

Ni mu gihe Abanyarwanda bashya ari Ndayishimiye Didier, Nshuti Didier, Nisingizwe Christian, Nkundimana Fabio, Nizeyimana Mubarak na Muhoza Daniel.

Abakinnyi ba mbere bageze mu mwiherero wa Gikundiro uri kubera mu Karere ka Gicumbi, dore ko iyi kipe iri kwitegura irushanwa rya CECAFA Kagame Cup, CAF Confederation Cup n’andi y’imbere mu gihugu.

Boris Gbenou nta kipe yari afite akinira mbere y'uko asinyishwa na Rayon Sports

Boris Gbenou w’imyaka 22 agiye gukinira Rayon Sports