Police FC yaguze Usengimana Faustin wifuzwaga na Rayon Sports

Yanditswe na Kabera Haruna
Kuya 15 Nyakanga 2020 saa 01:28
Yasuwe :
0 0

Ubuyobozi bwa Police FC bwemeje ko bwamaze gusinyisha myugariro wo hagati, Usengimana Faustin, ku masezerano y’imyaka ibiri.

Usengimana yakiniraga Buildcon FC yo muri Zambia nyuma yo kuyigeramo mu mwaka ushize w’imikino wa 2019/20.

Umunyamabanga Mukuru wa Police FC, CIP Karangwa Maurice, yemereye IGIHE ko “Usengimana Faustin yasinye imyaka ibiri.”

Muri Police FC, Usengimana Faustin ahasanze Nsabimana Aimable na Moussa Omar, nabo bafatwa nka bamwe muri ba myugariro beza bo hagati.

Usengimana Faustin yakiniye amakipe atandukanye mu Rwanda arimo Rayon Sports yanazamukiyemo na APR FC, aha hose akaba yaragiye atwara ibikombe.

Ari mu itsinda ry’abakinnyi Rayon Sports yifashishije ikora amateka yo kugera mu matsinda mu irushanwa rya CAF Confederations Cup mu 2018.

Usengimana Faustin kandi yanakiniye Ikipe y’Igihugu mu byiciro byose yaba iy’Abatarengeje imyaka 17 yakinnye Igikombe cy’Isi muri Mexique, iy’Abatarengeje imyaka 20 na 23 n’Ikipe y’Igihugu Nkuru.

Nyuma yo kuva muri Kuwait, Usengimanaya yakinaga muri Zambia muri Buildcon FC.Yari kandi mu bakinnyi bifuzwa na Rayon Sports kimwe na Bayisenge Emery.

Usengimana Faustin yerekeje muri Police FC ku masezerano y'imyaka ibiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .