00:00:00 IGIHE NETWORK KN KINYARWANDA EN ENGLISH FR FRANCAIS

PFC Zviahel ikinamo Lewis Ishimwe yabonye itike yo gukina Icyiciro cya Kabiri muri Ukraine

Yanditswe na Iradukunda Olivier
Kuya 9 June 2024 saa 06:15
Yasuwe :

Umunyarwanda George Lewis Ishimwe ari mu bakinnyi bafashije ikipe ye ya PFC Zviahel yo muri Ukraine kuzamuka ikava mu Cyiciro cya Gatatu ikagera mu Mbere.

George Lewis Igaba-Ishimwe Maniraguha ni umukinnyi wavukiye mu Rwanda gusa akurira muri Norvège yageze afite imyaka ine ari naho afitiye ubwenegihugu.

Mu mwaka ushize nibwo yerekeje muri PFC Zviahel yifuzaga abakinnyi beza bataha izamu, imuha amahirwe mu mikino umunani ya Shampiyona ndetse ayitsindamo ibitego bibiri mbere yo kubona itike ya kamarampaka.

Mu mukino wabaye ku wa Gatandatu, tariki 8 Kamena 2024, ni bwo PFC Zviahel yatsinze Houst igitego 1-0 ihita ibona itike yo kuzakina Icyiciro cya Kabiri muri Ukraine.

Iyi yashinzwe mu 1993 ni ku nshuro ya mbere igiye gukina iki cyiciro ndetse ikaba ifite gahunda yo kukirenga ikazakina n’icya mbere.

George Lewis w’imyaka 24 yayigezemo avuye mu Bwongereza arekuwe na Arsenal itaramuboneye umwanya wo gukina.

Kugeza ubu nta kipe y’igihugu arakinira yaba iy’abato cyangwa abakuru haba muri Norvège cyangwa mu Rwanda. Andi makipe yakiniye ni Tromsdalen na Fram Larvik zo mu cyiciro cya gatatu muri Norvège.

Umunyarwanda George Lewis Ishimwe azakina mu Cyiciro cya Kabiri muri Ukraine mu mwaka utaha
George Lewis Ishimwe ni umwe muri ba rutahizamu ba PFC Zviahel

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .