Ibi yabigarutseho ubwo Rayon Sports FC yari imaze kongera amasezerano na sosiyete icuruza amashusho ya Canal+, kuri uyu wa Gatanu, tariki ya 28 Gashyantare 2025.

Abajijwe ku bimaze iminsi bivugwa byo kuba hari bamwe mu bayobozi ba Rayon Sports bifuza ko uyu mugabo yatandukana nayo, yavuze ko kugeza ubu atsinda bitatuma yirukanwa.

Ati “Uyu munsi Robertinho ni uwa mbere, dusigaje imikino itarenga 12. Ese ushobora gufata umutoza wa mbere ukamwirukana? Hari ibitagenda neza mu kibuga, ariko ni ruhago, keretse abatabasha gusesengura umupira w’amaguru.”

“Ntituze kumva ko Robertinho azakora ibyuzuye 100% kuko ntabwo abikora mu bubasha bwe wenyine. Uyu munsi ni we utsinda cyane, niba atabona [ariko] agatsinda afite uburyo abona.”

Twagirayezu kandi yavuze ko Rayon Sports yiteguye gukina umukino wa APR FC uzabera kuri Stade Amahoro tariki ya 9 Werurwe, gusa abafana bakazabanza kuba inyuma y’ikipe ubwo izaba ihura na Gasogi United ku wa 2 Werurwe 2025.

Kugeza ubu Gikundiro ni yo iyoboye urutonde rwa Shampiyona y’u Rwanda n’amanota 41, ikaba ikurikiwe n’Ikipe y’Ingabo z’Igihugu ifite amanota 37.

Kugeza ubu Robertinho ayoboye Shampiyona y'u Rwanda

Perezida wa Rayon Sports, Twagirayezu Thaddée, yavuze ko kwirukana Robertinho bidashoboka