00:00:00 IGIHE NETWORK KN KINYARWANDA EN ENGLISH FR FRANCAIS

Nkombo FC yashinje Nyamasheke gukinisha Abakongomani ibita Abanyarwanda

Yanditswe na Jah d’eau Dukuze
Kuya 22 May 2024 saa 12:26
Yasuwe :

Ikipe ya Nkombo FC yo mu cyiciro cya gatatu yandikiye Ishyirahamwe ry’Umupira w’Amaguru mu Rwanda Ferwafa, irega Nyamasheke FC guhindurira abakinnyi ibyangombwa mu mukino bahuriyemo wo gushaka itike yo kujya mu cyiciro cya kabiri.

Mu Ibaruwa IGIHE ifitiye kopi,iyi kipe ya Nkombo ivuga ko mu mukino wabereye i Nyamashake taliki 18 Gicurasi 2024, ikipe ya Nyamasheke FC yakinishije abakinnyi babiri b’abanyamahanga bakomoka muri Repubulika Iharanira Demukarasi ya Congo ariko bagendera ku byangombwa bihimbano bakina nk’abanyarwanda.

Aba bakinnyi bakinnye mu mukino ubanza wa Play Offs uzerekana amakipe azamuka mu cyiciro cya kabiri, aho warangiye warangiye Nkombo itsinzwe na Nyamasheke ibitego 2-0. Ibyo bitego byombi byatsinzwe n’abo bakinnyi bakiniye ku mazina ya Iradukunda Tresor wari wambaye numero 10 naNiyonsenga David wari wambaye numero 5 nkuko iyi baruwa ibitangaza.

Aha ariko, ikipe ya Nkombo ikaba ikomeza ivuga ko iyi kipe ya Nyamasheke ngo no muri shampiyona isanzwe yagiye ikinisha abakinnyi bakomoka muri Repubulika Iharanira Demukarasi ya Congo batatu ariko bakiniraga ku mazina ya Hagenimana Pierre usanzwe witwa yitwa Mushagallusa Christophe , Kwihangana Theobard ubusanzwe witwa Koko Israel na Minani Samuel ubusanzwe akaba yitwa Buhashe Baseme Rigobert.

Amategeko agenga shampiyona y’icyiciro cya gatatu akaba avuga ko nta kipe yemerewe gukinisha abakinnyi b’abanyamahanga mu rwego rwo guha umwanya abanyarwanda ngo bigaragaze, gusa ngo hakaba hari amakipe yagiye abirengaho.

Ikipe ya Nyamasheke iramutse ihamwe n’ibi byaha ikaba yaba ibaye iya kabiri yo mu ntara y’Uburengerazuba igaragayeho gukoresha amanyanga dore ko Espoir iheruka gukurwaho amanota 15 nyuma yo gusanga yarakoreshaga abakinnyi bafite ibyangombwa by’ibihimbano, ikintu cyatumye inaterwa mpaga.

IGIHE ikaba yavugishije Ferwafa ihamya ko ikirego cya Nkombo bacyakiriye aho kigiye gushyikirzwa Komisiyo ibishinzwe mbere y’uko hakinwa icyiciro gikurikira dore ko umukino wo kwishyura hagati y’aya makipe waraye ubaye ukarangira Nkombo itsinze 1-0 bityo igasezererwa ku bitego 2-1 mu mikino yombi.

Abakinnyi babiri Nkombo ivuga ko ari abanyamahanga ntabwo bakoreshejwe ku mukino wo kwishyura ku munsi w'ejo
Lydia Uwera, umunyamabanga wa Nkombo FC ngo yizeye ko Ferwafa iri bubahe ubutabera
Licence z'aba bakinnyi zigaragaza ko ari abanyarwanda
Ikipe ya Nyamasheke irashinjwa kuba yaragiye ikoresha abakongoman muri shampiyona ikabita abanyarwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .