Ndacyafite inyota yo kongera kugaruka neza- Sekamana Maxime

Yanditswe na Eric Tony Ukurikiyimfura
Kuya 30 Nzeri 2020 saa 04:43
Yasuwe :
0 0

Umukinnyi wo hagati usatira izamu muri Rayon Sports, Sekamana Maxime, avuga ko afite intego yo gukora cyane ku buryo mu mwaka w’imikino wa 2020/21 azaba ari ku rwego rwiza.

Ubwo Shampiyona ya 2019/20 yahagarikwaga n’icyorezo cya Coronavirus muri Werurwe, Sekamana Maxime yari umwe mu bakinnyi bo ku mpande bahagaze neza.

Mu kiganiro yagiranye na IGIHE, uyu mukinnyi yavuze ko agifite inyota yo kongera kwitwara neza, agakomereza ku rwego yari agezeho mbere ya Coronavirus nubwo hashize amezi asaga atandatu nta mikino iba.

Ati “Ni byo, byari bitangiye kuza ariko ndacyafite inyota yo kongera kugaruka neza nk’uko mbyifuza gusa Imana nimfasha na none bizagenda neza.”

Sekamana Maxime yirinze kugira byinshi avuga ko bibazo yari afitanye n’ubuyobozi bwari buyoboye Rayon Sports ariko yemeza ko bitaracyemuka.

Uyu mukinnyi yishyuza Rayon Sports miliyoni 4 Frw yamusigayemo ubwo yayisinyiraga imyaka ibiri nyuma yo gutandukana na APR FC mu mpeshyi ya 2019.

Abajijwe ku makuru amwerekeza muri mukeba Kiyovu Sports, Sekamana Maxime yagize ati “Ntacyo nabivugaho.”

Umutoza wa Kiyovu Sports, Karekezi Olivier, aherutse kubwira itangazamakuru ko yahuye na Sekamana Maxime bakaganira ndetse yagaragarije ubuyobozi bw’iyi kipe ko hari icyo uyu mukinnyi yafasha mu busatirizi.

Sekamana Maxime avuga ko anyotewe no kongera kwitwara neza ubwo imikino izaba isubukuwe
Sekamana Maxime yifuzwa n'umutoza wa Kiyovu Sports, Karekezi Olivier

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .