Mutebi Rachid yabaye umukinnyi uhenze mu mateka ya Musanze FC

Yanditswe na Kabera Haruna
Kuya 14 Nyakanga 2020 saa 07:14
Yasuwe :
0 0

Kuri uyu wa Kabiri, Musanze FC yaguze rutahizamu w’Umugande, Mutebi Rachid, wakiniraga Etincelles FC y’i Rubavu, aba umukinnyi uhenze mu mateka y’iyi kipe yo mu Majyaruguru.

Mutebi Rachid yavuye muri Etincelles yari amazemo umwaka umwe, yerekeza muri Musanze FC ku masezerano y’imyaka ibiri.

Mu kiganiro yagiranye na IGIHE, Ushinzwe ubuzima bwa buri munsi bw’ikipe ya Musanze FC, Uwihoreye Ibrahim, yavuze ko “Mutebi Rachid ariwe mukinnyi uhenze mu mateka ya Musanze FC aho yaguzwe miliyoni 6.5 Frw.”

Ikipe ya Etincelles yifuzaga miliyoni 3.5 Frw ku ikipe iyo ariyo yose yaba yifuza kugura Mutebi Rachid.

Ubuyobozi bwa Musanze FC buvuga ko ikipe izifuza uyu rutahizamu mushya yaguze, izakuba kabiri amafaranga yaguzwe igatanga miliyoni 13 Frw.

Mutebi Rachid yari amaze igihe asaba Etincelles FC kumurekura agashaka indi kipe yerekezamo, ayishinja kutamuhembera igihe.

Yinjiye muri Etincelles FC mu mwaka ushize w’imikino, avuye muri Mukura Victory Sports mu gihe yanakiniye Gicumbi FC.

Yasoje umwaka w’imikino wa 2019/20 ari ku mwanya wa 10 mu bakinnyi batsinze ibitego byinshi, aho yanyeganyeje inshundura inshuro umunani.

Musanze FC yasoje umwaka w’imikino wa 2019/20 iri ku mwanya wa 12, ikomeje kugura abakinnyi batandukanye ndetse iherutse gusaba umutoza Seninga Innocent kuzasozwa umwaka wa 2020/21, ari mu makipe umunani ya mbere.

Mutebi Rachid agiye muri Musanze Fc yiyongera ku bandi bakinnyi bashya barimo Ndizeye Innocent uzwi nka ’Kigeme’ wavuye muri Mukura VS, Niyonshuti Gad (Evra) wavuye muri Sunrise na Munyeshyaka Gilbert (Lukaku) wavuye muri Heroes FC.

Mutebi Rachid yarekuwe na Etincelles FC, aba umukinnyi uhenze mu bo Musanze FC yaguze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .