00:00:00 IGIHE NETWORK KN KINYARWANDA EN ENGLISH FR FRANCAIS

Mukura VS yateye Rayon Sports gapapu kuri Niyonizeye Fred

Yanditswe na Eric Tony Ukurikiyimfura
Kuya 13 June 2024 saa 05:18
Yasuwe :

Umurundi Niyonizeye Fred wavugwaga muri Rayon Sports, yasinyiye Mukura VS amasezerano y’imyaka ibiri kuri uyu wa Kane, tariki ya 13 Kamena 2024.

Niyonizeye wakiniraga Vital’o yo mu Burundi, ni we wabaye umukinnyi mwiza w’umwaka w’imikino ushize muri iki gihugu.

Uyu mukinnyi wo hagati mu busatirizi, yatsinze ibitego bitandatu, anatanga imipira umunani yavuyemo ibindi kuri bagenzi be mu mwaka w’imikino ushize.

Rayon Sports ni yo yabanje kugaragaza ko imwifuza ariko na Mukura VS yinjira mu biganiro nyuma ndetse bihita bifata intera iruta iyo ibya Gikundiro byari bigezeho.

Nubwo uyu mukinnyi w’imyaka 22 yari ategerejwe muri Rayon Sports, yasinyiye Mukura VS ku gicamunsi cyo kuri uyu wa Kane ndetse azayikinira mu myaka ibiri iri imbere.

Niyonizeye Fred yasinyiye Mukura VS mu gihe yari yitezwe muri Rayon Sports

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .