00:00:00 IGIHE NETWORK KN KINYARWANDA EN ENGLISH FR FRANCAIS

Mukunzi Yannick yongereye amasezerano muri Sandvikens IF

Yanditswe na Byiringiro Osée Elvis
Kuya 23 September 2022 saa 11:55
Yasuwe :

Mukunzi Yannick yongereye amasezerano y’imyaka ibiri muri Sandvikens IF yo mu cyiciro cya gatatu muri Sweden.

Mu itangazo iyi kipe yashyize hanze, yatangaje ko yishimiye kugumana na Mukunzi kandi ko mu gihe gito aragaruka mu kibuga nyuma y’amezi yari ashize yaravunitse.

Nyuma yo kongera amasezerano, Mukunzi yavuze ko Sandvikens IF ari nk’umuryango we kandi ko yatangiye gukora imyitozo yoroheje.

Yagize ati “Ndishimye cyane kuba nongereye amasezerano, Sandvikens IF imaze kuba umuryango wanjye nejejwe no kuba ndi hano.”

Yakomeje avuga ko yatangiye gukora imyitozo yoroheje irimo kwiruka ndetse no gukora ku mupira gahoro gahoro.

Uyu musore ukina mu kibuga hagati yageze Sandvikens IF muri 2019.

Mukunzi yazamukiye mu irerero rya APR FC ndetse aza no gukinira ikipe nkuru mbere yo kwerekeza muri Rayon Sports, yavuyemo yerekeza muri Sandvikens IF mu cyiciro cya gatatu muri Sweden.

Mukunzi Yannick ni umukinnyi ngenderwaho muri Sandvikens IF

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .