00:00:00 IGIHE NETWORK KN KINYARWANDA EN ENGLISH FR FRANCAIS

Muhire Kevin yabonye ikipe nshya muri Kuwait

Yanditswe na Byiringiro Osée Elvis
Kuya 3 August 2022 saa 05:35
Yasuwe :

Muhire Kevin yasinye amasezerano y’umwaka umwe mu ikipe ya Al Yarmouk ikina mu cyiciro cya kabiri muri Kuwait.

Ibi bibaye nyuma y’uko Muhire arangije amasezerano y’umwaka muri Rayon Sports yakiniraga umwaka ushize anayibereye kapiteni.

Amakuru IGIHE yamenye ni uko uyu musore aragera mu gihugu cya Kuwait mu masaha 48.

Muhire usanzwe ukina mu kibuga hagati asanze muri iyi kipe Jorge Paixão wari umutoza we umwaka ushize muri Rayon Sports.

Jorge Paixão na Daniel Ferreira batozaga Rayon sports umwaka ushize nibo bahawe intego yo kugarura iyi kipe yo muri Kuwait mu cyiciro cya mbere, dore ko yamanutse mu cyiciro cya kabiri umwaka ushize.

Al Yarmouk ni ikipe yashinzwe mu 1965, ikinira kuri stade ya Abdullah Al-Khalifa yakira abantu ibihumbi 16.

Muhire Kevin si ubwa mbere agiye gukina hanze y’u Rwanda kuko yaherukaga mu Misiri mu ikipe ya Misr lel-Makkasa na Saham Club yo muri Oman.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .