Iyi kipe yabigezeho nyuma y’aho Bournemouth yanganyije na Manchester City igitego 1-1, bityo bikaba bitagikunze ko iyi kipe y’i Manchester yazakuramo amanota The Gunners yayirushaga.

Bamwe mu bakinnyi ba Arsenal bagaragaje ibyishimo byinshi, aho basubizaga bamwe mu bakunze ku bannyega.

Bukayo Saka yavuze ko gusekwa birangiye.

Ati “Imyaka 22 baduseka, batunnyega ariko ntibazongera kuduseka.”

Ubwo Arsenal yatsindwaga na Manchester City, Declan Rice yagaragaye avuga ko bitararangira, mu gihe benshi bemezaga ko bigoye kuzegukana igikombe.

Uyu mukinnyi yagiye ku mbuga nkoranyambaga avuga ko yari yarabivuze.

Ati “Narababwiye mwese. Ubu noneho byarangiye.”

Thierry Henry waherukaga guhesha Arsenal Igikombe cya Shampiyona, yavuze ko yishimiye ko kera kabaye abana be babonye iyi kipe yegukana igikombe.

Ati “Kuva mu ntebe za Highbury tujya Emirates, umuryango mugari wa Arsenal ubu noneho twakwishima. Iki kiragano kirakoze cyane, ubu noneho abana banjye babona dutwara igikombe.”

Umukino wa nyuma wa Premier League, Arsenal izasura Crystal Palace ku Cyumweru, tariki ya 24 Gicurasi 2026.

Muri rusange, ni ku nshuro ya 14 Arsenal yegukanye Igikombe cya Shampiyona y’u Bwongereza, mu gihe ari Premier League ya kane yegukanye kuva yatangira gukinwa mu 1992/93.

Bukayo Saka na Gabriel Magalhães bari mu byishimo bikomeye

Declan Rice na Lessandro Trossard bishimira intsinzi

Myugariro Riccardo Calafiori mu byishimo bikomeye

Myugariro William Saliba na Riccardo Calafiori mu byishimo bikomeye

Abakinnyi ba Arsenal bafashe amafoto y'urwibutso

Abafana bari benshi hanze ya Emirates Stadium

Ibyishimo byari byose mu bafana

Amafoto y'urwibutso yafashwe ku bwinshi

Declan Rice na Eberechi Eze mu mihanda y'i Londres mu gitondo cyo kuri uyu wa Gatatu

Abakinnyi ba Arsenal ntibaryamye

Ian Wright n'abafana ba Arsenal mu byishimo bikomeye

Bamwe bari bitwaje n'ingoma

Umwe mu bafana yishimiye intsinzi nka rutahizamu Viktor Gyökeres

Ibishashi byarashwe karahava

Buri wese yishimiraga intsinzi uko abyumva

Abafana bacanye umuriro

Umwe mu bafana yuriye ipoto