Mariano Diaz, rutahizamu wa Real Madrid yasanzwemo Covid-19

Yanditswe na Kabera Haruna
Kuya 29 Nyakanga 2020 saa 09:17
Yasuwe :
0 0

Real Madrid yavuze ko Rutahizamu wayo Mariano Diaz w’imyaka 26 yasanzwemo Covid-19 mu bipimo byafashwe muri iyi kipe.

Ku wa Mbere tariki 28 Nyakanga 2020 abakinnyi ba Real Madrid bapimwe Covid-19 mu rwego rwo kwitegura umukino wa Champions League iyi kipe ifitanye na Manchester City uzabera mu Bwongereza kuri Etihad Stadium, iyi kipe yakiriraho imikino.

Mu itangazo ubuyobozi bw’iyi kipe bwashyize hanze, bwavuze ko abaganga bayo bafashe ibizamini bya Covid-19 mu ikipe ya mbere yabo bagasanga rutahizamu wayo Mariano Diaz yaranduye.

Bati” Nyuma y’ibizamini bya Covid-19 byakozwe ejo ku ikipe yacu ya mbere n’abaganga ba Real Madrid, umukinnyi wacu Mariano Diaz basanze yaranduye. Uyu mukinnyi afite ubuzima bwiza kandi azakomeza gukurikiranwa ari mu rugo."

Mbere y’isubikwa ry’imikino kubera icyorezo cya Covid -19 Real Madrid yatsinzwe na Manchester City ibitego 2-1 mu mukino uheruka wa 1/8. Umukino wo kwishyura uteganyijwe ku wa 7 Kanama 2020.

Mariano Diaz ntabwo yagaragaye cyane mu kibuga uyu mwaka w’imikino kuko yakinnye imikino irindwi gusa, aho itanu muri yo yagiye mu kibuga asimbuye.

Mariano Diaz ntabwo yagaragaye cyane mu kibuga uyu mwaka w’imikino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .