Ibitego bibiri bya rutahizamu wa Liverpool, Luis Suarez yatsinze Abongereza kuri kimwe cya Wayne Rooney bishobora gutuma basezererwa mu matsinda baherukaga mu 1958.

Luis Suarez utarakinnye ubwo Costa Rica yabatsindaga 3-1 kubera imvune yo mu ivi yagiriwe icyizere n’umutoza Oscar Tabarez afatanya na Edinson Cavani gushaka ibitego.

Ku munota wa 39 ku mupira yahawe na Cavani Suarez yanyeganyeje inshundura za Joe Hart, bajya kuruhukana amanota atatu mbere yo gukina ku mukino usoza itsinda n’u Butariyani.

Wayne Rooney yagomboye ku mupira watewe neza na Glen Johnson myugariro wa Uruguay arahagarara, uyu ukinira Manchester United aratambuka atsinda igitego, cya mu mateka ye mu gikombe cy’Isi mu nshuro 40 ahamagawe mu ikipe y’igihugu..

Rooney yagomboye igitego cya Suarez kitaramye

Nyuma y’iminota 10, umunyezamu wa Uruguay Fernando Muslera yateye umupira wakirwa na Cavani ku mutwe ukomeza kwa Suarez atsinda igitego cya kabiri, igitego cya 42 atsindiye Uruguay.

Nyuma yo kubagwa mu ivi, Suarez yagarutse atsinda u Bwongereza

Mu mikino yose ya Uruguay, Suarez yatsinzemo igitego barayitsinze. Suarez yabaye umukinnyi wa 6 ukina muri shampiyona y’ Abongereza utsinze Bwongereza mu gikombe cy’Isi Sheedy, Petrescu, Moldovan, Alexandersson na Dempsey. U Bwongereza ntiburatsinda umukino nk’uyu.

Ni ku nshuro ya mbere, u Bwongereza butsindwa imikino itatu y’igikombe cy’Isi, mu 2010 n’u Budage na 2014 n’u Butariyani na Uruguay.

Raheem Sterling ni umunya Jamaica wa gatatu uhagarariye u Bwongereza mu gihe Muslera ufatira Uruguay yavukiye muri Argentina.

Oscar Tabarez w’imyaka 67 na Roy Hodgson, 66 nibo batoza ba kabiri na gatatu bakuze mu gikombe cy’Isi nyuma y’uw’u Burusiya, Fabio Capello wujuje 68.

Nibura abakinnyi 8 muri 11 b’u Bwongereza babanje mu kibuga bafite aho bahuriye n’umujyi wa Liverpool.

Ikarita y’umuhondo yahawe Godin yatumye Uruguay iba ikipe ya mbere imaze kubona amakarita menshi, 5.

Luis Suarez yahawe igihembo cy'umukinnyi mwiza ku mukino w'u Bwongereza na Uruguay

Itike ya 1/8: Birasaba ko u Butariyani butsinda Costa Rica na Uruguay, u Bwongereza bugatsinda Costa Rica nibura ibitego 4

Gufotora: Birashoboka ko umugore wa Rooney, Coleen yafashe ifoto umugabo we agombora igitego cya Suarez

Umukino urangiye bagenzi be batueruye Suarez watsinze ibitego 2

[email protected]