Kuri uyu wa gatatu tariki ya 6 Gicurasi 2015, ni bwo habaye umukino wa kabiri wa ½ cy’irangiza mu irushanwa rihuza amakipe yabaye aya mbere iwayo ku mugabane w’Uburayi (UEFA Champions League), aho FC Barcelona ku kibuga cya yo Nou Camp yahatsindiye Bayern Munich ibitego 3-0.

Lionel Messi ni we wafunguye amazamu ku munota wa 77 ku mupira yari ahawe na Dani Alves, nyuma y’iminota 3 gusa (ni ukuvuga ku munota wa 80) atsinda igitego cya kabiri ku mupira yari ahawe na Ivan Raktic.

Igitego cya 2 cya Messi cyari icyacumi cye mu mikino 11 akinnye muri iri rushanwa

Neymar wari wahushije uburyo bwinshi muri uwo mukino yaje gutsinda igitego cya gatatu cya FC Barcelone cyari n’icya karindwi kuri muri iri rushanwa, maze umukino urangira ari ibitego 3-0.

Umukino wa mbere wa ½ cy’irangiza wabaye kuwa kabiri tariki ya 5 Gicurasi, Juventus de Turin yatsinze Real Madrid ibitego 2-1.

Imikino yo kwishyura iteganyijwe mu cyumweru gitaha, kuwa 12 Gicurasi 2015 FC Barcelona izaba yakirwa na Bayern Munich mu gihe kuwa 13 Gicurasi Real Madrid izaba yakira Juventus, amakipe abiri azarokoka nyuma y’iyo mikino akazahurira ku mukino wa nyuma uzabera i Berlin kuwa 6 Kamena 2015.

Atsinda igitego cya kabiri yacenze neza ab'inyuma acisha umupira hejuru ya Neuer Umunyezamu wa Bayern Munich

Abinyuma ba Bayern Munich babashije kwihagararaho mu minota 77 yonyine

Abakinnyi ba FC Barcelona bishimira igitego

Mu minota ya mbere y'umukino Neymaryahushije igitego asigaranye n'umunyezamu wenyine

Ntiyavuye mu mukino imbokoboko, yatsindiye FC Barca igitego cya gatatu

Pep Guardiola Umutoza wa Bayern Munich

Ibitego bitatu bishobora kuba impamba ihagije ari na yo mpamvu batahishiriye ibyishimo

Ishyaka ryari ryinshi ndetse byinshi byananiye ba myugariro, Umunyezamu Neuer yabikoze

Louis Suarez na we yahushije ibitego

Lewandowski yari yazonze ab'inyuma ba FC Barcelona

Louis Suarez na Jerome Boateng

Lewandowski wambaye amadalubindi yakoze akazi kenshi mu kibuga

Thomas Muller yakoze ibishoboka byose ngo atsinde ariko biranga aha umwanya Maroi Gotze

Bayern Munich na yo yasatiriye kenshi izamu rya FC Barca

Ishyaka ryo ryari ryinshi ku mpande zombi

Xabi Alonso ni umwe mu bahawe amakarita y'umuhondo kubera amakosa mu kibuga

Abatoza bombi bakinanye muri FC Barcelona