Uyu ni umukino wa mbere ufungura umwaka w’imikino wa 2026/27, ikaba ari yo mpamvu amakipe yombi yatangiye asa n’ayigana cyane, ariko bigaragara ko amenyeranye, ibyatumaga intangiriro zawo zikomera.

Igice cya mbere nta kipe yarebye mu izamu, mu cya kabiri Umutoza mushya wa Kiyovu Sports, Harrison Mark Simon, akora impinduka akura mu kibuga Bukuru Christophe ashyiramo Haban Kagayo.

Muri iki gice Joseph Sackey yeretswe ikarita y’umutuku nyuma yo gukorera ikosa Nsanzimfura Keddy ku munota wa 48, yihanira ikosa ariko umupira unyura hejuru y’izamu.

Nyuma y’iminota ine gusa, Byiringiro David yafashe umupira n’ukuboko hafi y’umusifuzi wungirije, Mugabo Eric, ahabwa ikarita ya kabiri y’umuhondo, ivamo umutuku asohorwa mu kibuga.

Aya makipe akibona amakarita, James Desire Bienvenue, wabaye Umunyezamu mwiza w’Umwaka wa 2025/26, yarwanye kuri Kiyovu Sports, kugeza akuyemo imipira itatu yabazwe kugeza ku munota wa 75.

Ku munota wa 90 w’umukino, Abumuremyi yakoreye ikosa Mugisha Didier mu rubuga rw’amahina, Uwikunda Samuel ahita atanga penaliti, uyu rutahizamu mushya wavuye muri Rayon Sports yatijwemo na Police FC, arayiterera ahita ashyira umupira mu izamu.

Urucaca rwageze ku mukino wa nyuma wa FERWAFA Turbo King Super Cup 2026, izahura n’ikipe iva hagati ya Rayon Sports na Police FC. Umukino wa nyuma uzaba ku Cyumweru, tariki ya 30 Kanama 2026.

Joseph Sackey wa Mukura VS yishyushya

Abakinnyi ba Mukura VS bishyushya mbere yo gukina na Kiyovu Sports

Harerimana Abdulaziz wa Kiyovu Sports yabanje hanze

Richard Kirongozi wa Kiyovu Sports ari kwishyushya

Abasifuzi b'umukino bifotozanya na ba kapiteni b'amakipe yombi

Abakinnyi 11 Kiyovu Sports yabanje mu kibuga

Abakinnyi 11 Mukura VS yabanje mu kibuga

Uwikunda Samuel ni we wayoboye umukino

Niyonkuru Sadjat wa Mukura VS na Mbonyingabo Regis wa Kiyovu Sports bahanganiye umupira

Uwimana Yakubu wa Kiyovu Sports ashaka gutwara umupira neza nta gihunga

Amakipe yombi yahanganye mu gice cya mbere

Richard Kilongozi yafashije cyane Kiyovu Sports muri uyu mukino

Umunyezamu wa Kiyovu Sports, James Desire, yakuyemo imipira myinshi yabazwe

Irushanwa ryabonye umuterankunga mushya ucuruza ibinyobwa kuri stade

FERWAFA Turbo King Super Cup yakinwe n'amakipe yitwaye neza muri shampiyona ya 2025/26

Kiyovu Sports yageze ku mukino wa nyuma wa FERWAFA Turbo King Super Cup 2026

Uwimana Yakubu wa Kiyovu Sports ari kugerageza kugarira

Freedom Mungudit wa Mukura VS ari kwihutana umupira

Freedom Mungudit wa ari gukura umupira kuri Uwimana Yakubu

Uwikunda Samuel yereka ikarita itukura Joseph Sackey

Nsanzimfura Keddy wa Kiyovu Sports yakiniwe nabi na Joseph Sackey

Joseph Sackey wa Mukura VS asohoka mu kibuga nyuma yo kwerekwa umutuku

Byiringiro David wa Kiyovu Sports yakoze umupira n'intoki bimuviramo ikarika itukura

Byiringiro David asohoka mu kibuga nyuma yo kwerekwa ikarita y'umutuku

Mugisha Didier yatsinze igitego kuri penaliti

Mugisha Didier ni we watsinze igitego rukumbi cyinjiye mu mukino

Abakinnyi ba Kiyovu Sports bishimira intsinzi

Kiyovu Sports yatsinze igitego ku munota wa nyuma

Amafoto: Umwari Sandrine