Kuri uyu wa Gatandatu tariki ya 11 Nyakanga 2026, ni bwo iri siganwa ryakiniwe mu mihanda yo mu Karere ka Bugesera, hakinwa uduce icyenda twakiniwe mu mirenge ya Nemba na Gako.

Uyu munsi hakinwe uduce icyenda, hatangira imodoka icyenda ziri gukina amarushanwa Nyafurika ariko hasoza imodoka 10 kuko iya Queen Kalimpinya n’iya Nanji Sameer zitasoje.

Mu bakinnyi 10 basoje, hitwaye neza Umunya-Kenya, Karan Patel ukinana na Khan Tauseef wakoresheje isaha imwe, iminota irindwi n’amasegonda 53, arusha iminota ine n’amasegonda 26, uwitwa Huwel Ahmed na Solanki Roheet batwara TOYOTA Yaris GR.

Umunyrwanda wasoje isiganwa kuri uyu munsi ni Kanangire Christian ukinana na Mujiji Christian bakinira muri Subaru Impreza, barushwa iminota 13 n’amasegonda 43.

Isiganwa rizakomeza ku Cyumweru, tariki ya 12 Nyakanga 2026.

Karan Patel yitwaye neza ku munsi wa mbere w'isiganwa

Abatuye mu Karere ka Bugesera bitabiriye isiganwa rya Rwanda Mountain Gorilla Rally

Ababyeyi na bo bakereye gukurikirana isiganwa

Rwanda Mountain Gorilla Rally yakiniwe imbere y'abafana benshi

Ntambi Oscar ni umwe mu bakinnyi bafashwa na BPR Bank

Kanangire Christian ni we Munyarwanda rukumbi wasoje isiganwa ry'uyu munsi

Ntambi Oscar atwara Mitsubishi Lancer Evo X

Nikhil Sachania ahatana afite ubumuga ariko akaryohereza abareba isiganwa

Muwonge Susan ahagarariye Uganda mu isiganwa

TOYOTA Yaris GR iri gutwarwa na Huwel Ahmed

Gatimu Tinashe na Nyina umubyara Gatimu Caroline bari gukina Rwanda Mountain Gorilla Rally 2026

Huwel Ahmed yashimishije abari bakurikiye isiganwa

Ni ubwa mbere TOYOTA Yaris GR iri gukina Rwanda Mountain Gorilla Rally

Perezida wa RAC, Gakwaya Christian, ari kwirinda ivumbi ryinshi mu isiganwa

Karan Patel yifuza kongera kwegukana Rwanda Mountain Gorilla Rally

Amafoto: Manzi Alain