Mu rukerera rwo kuri iki Cyumweru, tariki ya 5 Mata 2026, ni bwo Inter Miami yakinnye na Austin FC mu mukino w’Umunsi wa Gatandatu wa Shampiyona y’Icyiciro cya Mbere muri Leta Zunze Ubumwe za Amerika.

Uyu wari umunsi udasanzwe kuri Inter Miami kuko wahujwe n’umuhango wo gutaha ku mugaragaro stade yayo nshya yitiriwe ikigo cy’ishoramari cyo muri Brésil ari cyo Nubank.

Iki kigo cyaguze uburenganzira bwo kwitirirwa iyi stade yakira abafana 26.700, ikazaba irimo umwanya wahakoreshwa nk’ibiro byayo n’ibindi bigo byifuza kuyikoreshwa, umwanya w’ubucuruzi busanzwe n’ubundi bureba ikipe.

Mu marembo azajya yinjira muri iyi stade, hari amwe yiswe ‘Leo Messi Stand’, akaba yitiriwe uyu mukinnyi nk’umwe mu banyabigwi bayifashije kwandika amateka.

Ifite igisenge gishobora guhangana n’imihindagurikire y’ikirere, ndetse ikaba ari yo stade ya mbere muri Shampiyona ya Leta Zunze Ubumwe za Amerika ifite akabari kanini.

Mu batashye iyi stade harimo abayobozi bakuru ba Inter Miami ari na bo ba nyirayo. Abo ni Jorge Mas, Jose Mas na David Beckham ari na we watangaje watangaje bwa mbere ko iyi stade izubakwa mu 2014.

Mu mukino wa mbere wayibereyeho Inter Miami inganya na Austin FC ibitego 2-2.

Lionel Messi na Luis Suárez ba Inter Miami batsinze ibitego byishyura ibyatsinzwe na Guilherme Biro na Jayden Nelson ba Austin FC.

NU Stadium yitiriwe umuterankunga wa Inter Miami

Abayobozi ba Inter Miami bafungura stade ku mugaragaro

Kuri NU Stadium habereye ibirori bidasanzwe byo kuyifungura ku mugaragaro

Abafana ba Inter Miami bari bitabiriye ari benshi

Abafana bari bajyanye n'imiryango yabo muri uyu munsi w'amateka kuri Inter Miami

Abakinnyi ba Inter Miami bagize umwanya wo kwitoreza muri iyi stade mbere yo kuyikiniramo umukino wa mbere

NU Stadium izajya yakira abafana 26.700

Inter Miami igiye kujya ikinira kuri stade yamaze kuzura

Muri stade harimo ikirango kigaragaza ko ari iya Inter Miami

Abafana bakurikiye umukino wa Inter Miami na Austin FC muri NU Stadium

Jos Mas ari gufungura ku mugaragaro NU Stadium

Abafana ba Inter Miami babuze amanota atatu ku mukino wa mbere bari muri NU Stadium

Inter Miami yegukanye Igikombe cya Shampiyona bwa mbere mu mateka mu 2025

Byari ibyishimo bidasanzwe ku bafana ba Inter Miami bataha stade yabo