00:00:00 IGIHE NETWORK KN KINYARWANDA EN ENGLISH FR FRANCAIS

Rayon Sports yinjijwe mu mikino izagaragara mu gikombe cy’Isi cy’abakanyujijeho

Yanditswe na Iradukunda Olivier
Kuya 31 May 2024 saa 09:59
Yasuwe :

Uruganda rwa SKOL Brewery Ltd rwasinyanye amasezerano n’Ubuyobozi bw’Irushanwa ry’Igikombe cy’Isi cy’Aba-Veterans (VCWC), yemerera Rayon Sports kuzakinamo imwe mu mikino ya gicuti ndetse rukazazengurutsa igikombe u Rwanda rwose.

Mu gihe imyiteguro irimbanyije, kuri uyu wa Kane, tariki ya 30 Gicurasi 2024, ubwo Ubuyobozi bw’uru Ruganda rwenga ibinyobwa bisembuye n’ibidasembuye bwahiye n’ubwa VCWC ku cyicaro cy’aho rukorera mu Nzove baganira ku bufatanye bw’impande zombi.

Mbere y’uko habaho irushanwa, hazabaho kubanza kuzenguruka igihugu cyose herekanwa igikombe kizakinirwa, iki gikorwa kizabera mu Ntara zose z’u Rwanda biteganyijwe ko kizagirwamo uruhare na SKOL.

Uru ruganda kandi rwemerewe kuzaba rucuruza ibinyobwa byose muri Stade Amahoro izaberamo imikino y’abakanyujijeho muri Ruhago barenga 150 baturutse ku migabane itandukanye yo ku Isi by’umwihariko icya SKOL Lager.

SKOL kandi irateganya gukora igitaramo kinini gifungura irushanwa ry’Igikombe cy’Isi cy’Aba-Veterans kizatumirwamo abahanzi bakomeye cyane bazasusurutsa Abanyarwanda ndetse n’abandi bazaba barusuye kubera imikino.

Uruganda rwa SKOL kandi rusanzwe ari umufatanyabikorwa wa mbere wa Rayon Sports byatumye aya makipe azaba ari amwe mu azagaragara mu bikorwa byateguwe by’umwihariko mu mikino ya gicuti iteganyijwe, haba mu bagore n’abagabo.

Ikipe yo muri Amarika y’Amajyepfo izaba iyobowe n’Umunya-Brésil Maicon Douglas, izaba yambaye umwambaro uriho SKOL ku kuboko.

Umuyobozi Mukuru wa VCWC, Fred Siewe, yagaragaje ko yishimiye ubufatanye bw’impande zombi ndetse ashimangira ko rizaba ari irushanwa ridasanzwe.

Ati “Twishimiye gukorana na SKOL Brewery Ltd by’umwihariko muri 2024 VCWC. Ubufatanyabikorwa buzagira inyungu ku ba-Veterans no ku bafana ndetse dufatanye no kwandika amateka atazibagirana.”

Umuyobozi w’Uruganda rwa SKOL Brewery Ltd, Eric Gilson, yatumiye buri wese ku kibuga ndetse anizeza abazahagera ko bazanezerwa.

Ati “Ni iby’agaciro ku kuba tuzaba turi guha abakanyujijeho ndetse n’abanyarwanda bakunda ruhago bazitabira VCWC 2024. Dutumiye buri wese kuza akishimira SKOL Lager ndetse anaryoherwa n’imikino y’abakanyujijeho.”

Ishyirahamwe ry’Imikino y’Abakanyujijeho muri ruhago (FIFVE) riri gutegura irushanwa rya mbere ku Isi muri ruhago ku ba-Veterans riteganyijwe kubera i Kigali tariki 1 kugeza 10 Nzeri 2024.

Ubuyobozi bwa SKOL na VCWC bwatangiye imikoranire
Amasezerano ya SKOL na VCWC yemerera Rayon Sports kuzakina imikino imwe n'imwe ya gicuti mu bagore no mu bagabo
VCWC yemereye SKOL kuzacuruza ibinyobwa byayo mu gihe cy'Igikombe cy'isi
Umuyobozi Mukuru wa VCWC, Fred Siewe, yagaragaje ko yishimiye ubufatanye bwayo na SKOL
Umuyobozi w’Uruganda rwa SKOL Brewery Ltd, Eric Gilson, yatumiye buri wese ku kibuga mu gihe cy'irushanwa
VCWC na SKOL bizategura igitaramo kibanziriza Igikombe cy'Isi cy'Aba-Veterans

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .