Amakipe yombi yatangiranye imbaraga ashaka gutsinda hakiri kare, ndetse ku munota wa cyenda rutahizamu wa AS Kigali, Emmanuel Okwi, yari yamaze kunyeganyeza inshundura, abon igitego cya mbere.

Ni igitego yatsinze ahagaze hanze y’urubuga rw’amahina, areba uko umunyezamu wa Police FC, Niyongira Patience, ahagaze nabi amutera umupira amunyura mu myanya y’intoki.

Iki gitego cyarushijeho gukangura Police FC, ibasha kucyishyura ku munota wa 19, bivuye ku ishoti rikomeye ryatewe na Bigirimana Abedi wari inyuma y’urubuga rw’amahina.

Igice cya mbere cy’umukino cyongeweho iminota itatu, cyarangiye amakipe yombi atabashije kubona igitego cya kabiri.

Igice cya kabiri cyarimo gukinira mu kibuga hagati, mu ntangiriro zacyo Police FC yabonye uburyo bw’amahirwe ubwo myugariro wa AS Kigali yahaga umupira Cyuzuzo Aime Gael wari mu izamu, habura gato ngo ugemo kubera ko yari yasohotse nabi.

Umukino ugeze ku munota wa 71, Ani Elijah wari wasimbuye Byiringiro Lague yatsinze igitego cya kabiri cya Police FC nyuma y’uko ubwugarizi bwa AS Kigali bwari bwamusuzuguye bukeka ko yaba yaraririye.

Police FC yatsinze umukino ku bitego 2-1, amakipe yombi akaba azahura mu mukino wo kwishyura uteganyijwe mu cyumweru gitaha hagati ya tariki ya 4-5 Werurwe 2025.

Abakinnyi 11 AS Kigali yabanje mu kibuga

Abakinnyi b'amakipe yombi basuhuzanya mbere yo gutangira gukina

Abakinnyi 11 Police FC yabanje mu kibuga

Abasifuzi baha amabwiriza kapiteni wa AS Kigali, Haruna Niyonzima, na Nsabimana Eric Zidane wa Police FC

Haruna Niyonzima ahanganiye umupira na Hakizimana Muhadjiri

Bigirimana Abedi ashaka kunyura kuri Haruna Niyonzima

Abakinnyi ba AS Kigali bishimira igitego cya mbere

Hussain Tshabalala ashaka gutera mu izamu

Haruna Niyonzima ashaka uko arengura umupira

Nsabimana Eric Zidane ari kugerageza kugarira izamu rya Police FC

Myugariro wa Police FC, Ishimwe Christian, yakinnye umukino wose

Abapolisi bari bashyigikiye ikipe yabo

Police FC yabonye amanota yo ku mukino ubanza wa 1/4 cy'Igikombe cy'Amahoro

Buregeye Prince wa AS Kigali ahanganye na Mugisha Didier wa Police FC

Amafoto: Umwali Sandrine & Kasiro Claude