00:00:00 IGIHE NETWORK KN KINYARWANDA EN ENGLISH FR FRANCAIS

Ibibazo mu ikipe ya Mukura VS birashira ibindi bishibuka

Yanditswe na Byiringiro Osée Elvis
Kuya 7 September 2022 saa 07:23
Yasuwe :

Impuzamashyirahamwe y’Umupira w’Amaguru ku Isi (FIFA), yategetse ikipe ya Mukura VS kwishyura William Opoku Mensah miliyoni 12 Frw bitarenze iminsi 45.

Kuri uyu wa Gatatu tariki 7 Nzeri nibwo FIFA yamenyesheje Mukura VS ko yatsinzwe urubanza yaregwagamo n’uwahoze ari rutahizamu wayo Opoku kubera kumwirukana bidakurikije amategeko.

Uyu musore ukomoka muri Ghana yavuze usibye kumwirukana bidakurikije amategeko, hari n’imishahara atahembwe.

Muri werurwe uyu mwaka nibwo Mukura yahagaritse Opoku kubera ikibazo cy’imyitwarire, gusa icyo gihe Opoku ntiyabyemeraga.

Ibi bihano bije nyuma yaho iyi kipe yari imaze iminsi iri gukubita inzu ibipfunsi ishaka miliyoni 46 Frw yo kwishyura Djilali Bahloul, wayibereye umutoza nawe yirukanye binyuranye n’amategeko.

Opoku Mensah yageze muri Mukura mu mwaka w’imikino wa 2020/21 ayitsindira ibitego umunani.

Opoku Mensah agomba kwishyurwa miliyoni 12Frw na Mukura VS

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .