Uyu mukinnyi agiye kumara ukwezi muri iki gihugu, aho yageze agiye kumvikana na Raja Casablanca ariko birangira atayerekejemo.

Abinyujije ku mbuga nkoranyambaga, Gitego yagaragaje ko yishimiye kujya muri iyi kipe ndetse anashimira Clube Ferroviário da Beira yo muri Mozambique yakiniraga.

FUS Rabat ni imwe mu makipe akomeye muri Maroc, aho mu mwaka ushize w’imikino yabaye iya kane muri Shampiyona n’amanota 53.

Muri rusange imaze kwegukana Igikombe cya Shampiyona inshuro imwe mu mwaka w’imikino wa 2015/16. Ni mu gihe yegukanye CAF Confederation Cup mu 2010.

Gitego Arthur ni rutahizamu wamenyekanye cyane muri Marine FC, yavuyemo yerekeza muri AFC Leopard yo muri Kenya yakinnyemo umwaka umwe, mbere yo kujya muri Clube Ferroviário da Beira yo muri Mozambique.

Gitego Arthur ashyira umukono ku masezerano

Gitego Arthur yerekeje muri FUS Rabat yo mu Cyiciro cya Mbere muri Maroc

Gitego Arthur yakinaga muri Clube Ferroviário da Beira yo muri Mozambique

FUS Rabat ni ikipe ikomeye muri Maroc