Uyu mukino wa 1/2 wabereye kuri MetLife Stadium muri Leta ya New Jersey, warebwe n’abafana basaga ibihumbi 77.

Real Madrid yatangiranye amakosa mu bwugarizi, byatumye umunyezamu wayo Thibaut Courtois akuramo imipira ibiri ikomeye mu minota itanu ya mbere.

Bidatinze Paris Saint-Germain yafunguye amazamu ku munota wa gatandatu, ku gitego cyatsinzwe na Fabián Ruiz waherejwe na Ousmane Dembélé.

Nyuma y’iminota ibiri, ubwugarizi bwa Real Madrid bwongeye gukora amakosa maze Dembélé abutwara umupira, atsinda igitego cya kabiri.

Real Madrid yahise ijya ku gitutu cyo kwishyura hakiri kare, yatsinzwe igitego cya gatatu cyinjijwe na Fabián Luiz nyuma yo guherezwa na Achraf Hakim ku munota wa 24.

Gonçalo Ramos ni we watsinze agashinguracumu ku munota wa 87, afasha Paris Saint-Germain kugera ku mukino wa nyuma itsinze ibitego 4-0 ndetse izahura na Chelsea FC ku Cyumweru, yo yasezereye Fluminense muri 1/2.

Fabian Ruiz yatsinze ibitego bibiri mu gice cya mbere

Ousmane Dembélé yishimira igitego yatsinze

Byari ibyishimo ku bafana ba Paris Saint-Germain

Luka Modrić yagiye mu kibuga asimbuye mu gice cya kabiri

Modrić yakinnye umukino we wa nyuma muri Real Madrid mbere yo kwerekeza muri Milan AC