00:00:00 IGIHE NETWORK KN KINYARWANDA EN ENGLISH FR FRANCAIS

Europa League: Arsenal na Manchester United zitwaye neza, AS Roma itungurirwa mu rugo

Yanditswe na Byiringiro Osée Elvis
Kuya 7 Ukwakira 2022 saa 08:37
Yasuwe :

Arsenal yatsinze Bodo/Glimt ibitego 3-0, Manchester United itsinda Omonia Nicosia ibitego 3-2 bigoranye mu mukino w’umunsi wa gatatu wa Europa League.

Ku wa kane tariki 6 Ukwakira 2022, hakomezaga imikino y’umunsi wa gatatu mu mukino ya Uefa Europa League.

Umukino wa Manchester na Omonia Nicosia niwo wabimburiye indi ku i saa 18:45.

Ni umukino Manchester United yatangiye isatira bikomeye kuko ku munota wa munani Cristiano Ronaldo wari wongeye kwifashishwa mu bakinnyi batangira babanza mu kibuga, yari amaze guhusha uburyo bw’igitego.

Ku munota wa 16 Manchester United yongeye kuzamukana umupira neza ariko Anthony umupira yarahereje Bruno Fernandez ntiyawushyikira, muri uko kuryoherwa no gusatira Omonia Nicosia yambuye umupira abasore ba myugariro ba Manchester United iwuzamukana neza Karim Ansarifard atsinda igitego.

Igice cya mbere kirangira Omonia Nicosia itsinze Manchester United igitego 1-0.

Manchester United yagarukanye imbaraga nyinshi mu gice cya kabiri ishaka kwishyura igitego ndetse byanashoboka ikabona ibindi.

Bidatinze ku munota wa 53 Marcus Rashford wari winjiye mu kibuga asimbuye Jason Sancho yatsinze yishyuriye Manchester United igitego,ku ishoti rikomeye yatereye hanze y’urubuga rw’amahina.

Manchester United yakomeje gusatira ishaka ibindi bitego ariko Ronaldo na Anthony uburyo bageragezaga bugapfa ubusa.

Nyuma y’iminota ibiri gusa Anthony Martial asimbuye Bruno Fernandez yacomekewe umupira neza na Rashford atsinda igitego cya kabiri nyuma y’iminota icumi Manchester United intsinze icya mbere.

Ku munota wa 77 Ronaldo yahawe umupira na Diogo Dalot ariko awuteye ukubita igiti kizamu.

Ronaldo yongeye kuzamukana umupira neza awucomekera Rashford atsinda igitego cya gatatu bimworoheye cyane ku munota wa 84.

Iki gitego nticyatinze kuko nyuma y’umunota umwe gusa Panagiotou yatsindiye Omonia Nicosia igitego cya kabiri ku munota wa 85.

Umukino urangira Manchester United itsinze Omonia Nicosia ibitego 3-2.

Undi mukino wahuzaga Arsenal na Godo/Glimt ibitego 3-0 byatsinzwe na Eddie Nketia, Rob Holding na Fabio Viera. PSV Eindoven yatsinze FR Zurich igitego 1-0.

AS Roma yo mu Butakiyani itozwa na Jose Maurihno, yatsindiwe mu rugo na Real Betis ibitego 2-1,Monaco itsinda Trabzanspor ibitego ariko 3-1.

Mu mpera z’icyumweru shampiyona zirakomeza aho Manchester United izasura Everton ku cyumweru tariki 9 Ukwakira 2022 saa 20:00, uwo mukino uzabanzirizwa ni uwa Arsenal izakiramo Liverpool kuri Emirates stadium saa 17:30.

Ronaldo yari yongeye kubanza mu kibuga
Rashford atsinda igitego cya mbere ku ishoti rikomeye
Rob holding amaze gutsinda igitego cya kabiri
Fabrio Vieira na Rob Holding bishimira igitego cya gatatu cya Arsenal
Manchester United yishimira igitego cya Anthony Martial

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .