Kuri iki Cyumweru, tariki ya 13 Nzeri 2026, ni bwo uyu mukinnyi yanyujije ubutumwa ku mbuga nkoranyambaga ze, tangariza abakunzi be ko atazakomeza gukinira igihugu.

Nyuma y’amashusho agaragaza ibihe byiza yagiriye muri Les Lions de la Telanga, yagize ati “Warakoze Sénégal.”

Mendy yatangiye gukinira Sénégal muri 2018. Yasezeye amaze kuyikinira imikino 60, aho yayihesheje Igikombe cya Afurika inshuro ebyiri, mu 2021 na 2025, ndetse yayikiniye mu Gikombe cy’Isi inshuro ebyiri, harimo mu 2022 na 2026.

Muri iyo myaka yose yinjijwe ibitego 34, ariko indi mikino 31 asoza iminota 90 nta gitego yinjijwe.

Nubwo uyu mukinnyi w’imyaka 34 yasezeye mu Ikipe y’Igihugu, azakomeza gukinira ikipe ye ya Al Ahli Saudi yo muri Arabie Saoudite.

Yakiniye amakipe atandukanye ahereye muri Cherbourg, Marseille, Reims, Rennes zo mu Bufaransa, mbere yo kujya muri Chelsea yo mu Bwongereza.

Édouard Mendy yafashije Sénégal akuramo penaliti ya Brahimi Diaz wa Maroc mu Gikombe cya Afurika cya 2025

Edouard Mendy yakiniye Sénégal imyaka umunani

Edouardo Mendy azakomeza gukina muri Al Ahli

Sénégal yatwaye Igikombe cya Afurika cya 2021 iri kumwe na Edouard Mendy

Abakinnyi ba Sénégal bishimira Igikombe cya Afurika

Edouard Mendy yabaye Umunyezamu mwiza wa Sénégal