Kuri uyu wa Gatanu, tariki ya 26 Kamena 2026, ni bwo mu Kigo cya Camp GP ku Kimihurura, hakiniwe imikino ya ½ mu mupira w’amaguru mu irushanwa ryahariwe kwizihiza Umunsi wo Kwibohora ku nshuro ya 32.

RG yegukanye irushanwa rya 2025 na RMA Gako ni zo kipe zabanje mu kibuga mu mukino ukomeye, ariko igitego cya Ishimwe Claude gitandukanye amakipe yombi, bihesha RG itike yo gukina umukino wa nyuma.

Ni umukino wagaragayemo Kapiteni wa RG, Cpt Ian Kagame, wafashije iyi kipe mu bwugarizi, kugira ngo irinde igitego n’intsinzi byayo.

Nyuma y’uyu mukino hakurikiyeho uwahuje Ikipe y’Ikigo cy’Imyitozo ya Gisirikare cya Nasho (BMTC Nasho) na Task Force Division, ukaba wari umukino ukomeye kuko amakipe yose yagerageje kureba mu izamu.

Amakipe yombi yanganyije ibitego 2-2 mu minota 90 y’umukino, ajya mu nyongera y’iminota 30. Iyi minota yabyajwe umusaruro na BMTC Nasho, ihita igera ku mukino wa nyuma iherukaho mu 2023.

Mu bagore, Urwego rwa Gisirikare rushinzwe Serivisi z’Ubuzima (MHS) izakina na RMA Gako.

Ibikombe, imidari ndetse n’ibihembo byo mu irushanwa ry’uyu mwaka bizatangwa ku itariki ya 3 Nyakanga 2026, umunsi umwe mbere y’uko u Rwanda rwizihiza Umunsi wo Kwibohora ku nshuro ya 32.

RG yageregaje kwihagararaho umukino wose, icyura intsinzi

RG yatsinze igitego kimwe cyayigejeje ku mukino wa nyuma wa Liberation Cup 2026

RMA Gako yananiwe kwikura imbere ya RG, ikaba izahatanira umwanya wa gatatu

Umukino wabereye ku kibuga cy'umupira cyubatse muri Camp GP

Cpt Ian Kagame yafashije yafashije RG kugera ku mukino wa nyuma wa ‘Liberation Cup 2026’

Cpt Ian Kagame ari kugerageza kugarira

Col Désiré Migambi n'Umuyobozi w'Umutwe urinda abayobozi bakuru, Gen Maj Willy Rwagasana, bakurikiye umukino wa RG na RMA Gako

Cpt Ian Kagame na bagenzi be bakinana muri RG bishimira intsinzi

Bamwe mu Ngabo z'u Rwanda bakurikiye iyi mikino yari ikomeye

RG yashimiye abafana bayo bayibaye hafi

Ikipe ya RG yegukanye irushanwa rya 2025 yongeye kugera ku mukino wa nyuma

Itsinda ry'abafana ba RG bayibaye inyuma kuva umukino utangiye kugeza urangiye

Umuyobozi wa RMA Gako, Gen Maj John Baptist Ngiruwonsanga, yakurikiye umukino wa RMA na RG

Col Thadée Nzeyimana yakurikiye umukino wa RG na RMA Gako

Munyakazi Sadate yari mu bakurikiye iyi mikino ya gisirikare

Umugaba w'Ingabo z'u Rwanda zirwanira ku butaka, Gen Maj Vincent Nyakarundi, yakurikiye iyi mikino ishimangira ubutwari bw'ingabo z'u Rwanda zagize uruhare mu kubohora igihugu